Reshjet e fuqishme shkaktojnë përmbytje në disa vende të Evropës Qendrore – pamjet tregojnë situatën e krijuar

Për shkak të reshjeve të dendura “janë shkaktuar dhe pritet të ketë edhe më tej përmbytje masive në mbarë rajonin”, i tha zëvendëskryeministri i landit Niederösterreich, Stephan Pernkopf, agjencisë austriake të lajmeve APA.

Në disa zona ka rrezik për rrëshqitje toke, sepse toka është tërësisht e lagësht. Në shumë zona rrugët janë mbuluar nga uji. Një sërë fshatrash janë të shkëputur prej pjesës tjetër të vendit.

Ky land ka njoftuar ndërkohë edhe për një të vdekur prej vërshimeve.

Një punonjës zjarrfikës humbi jetën duke punuar me një pompë thithëse të ujit në një qilar, sikurse njoftoi shtabi i krizës.

Österreich wird geflutet!
Allen viel Kraft 💪 #Hochwasser #Österreich #Niederösterreich #Unwetter #Feuerwehr #Katastrophe pic.twitter.com/njf9wUoG51

— direktdemokratisch.jetzt (@ddemokratisch1) September 15, 2024

Niederösterreich është landi i goditur më rëndë prej reshjeve dhe motit ekstrem.

Në këtë land përreth Vjenës jetojnë 1,7 milionë njerëz.

Natën në të gdhirë të ditës së diel (15.09.2024) pati gati 4500 aksione të zjarrfikësit.

Në disa komuna në veri të Vjenë u desh të shpëtohen njerëzit e bllokuar nga masa e ujit nëpër shtëpi.

Ekipet e emergjencës përdorën helikopterët e gomonet. Shumë banorë pranë zonave të lumenjve u lajmëruan për evakuim që të largoheshin nga shtëpitë.

Kritike është gjendja edhe në zonën e lumenjve Kamp dhe Krems, që derdhen në Danub.

Evakuime në Çeki

Edhe në Çeki vërshimet e përmbytjet i kanë vënë në gjendje emergjence ekipet e shpëtimit. Katër vetë konsiderohen të humbur pasi i ka rrëmbyer masa e ujit.

Më i prekur është rajoni në lindje të vendit në kufi me Poloninë.

Gjatë fundjavës, kryebashkiaku i Cesky Tesin urdhëroi evakuimin e mijëra banorëve nga qendra e qytetit.

Lumi Olsa, një degë e Oderit, rrezikon të vërshojë jashtë shtratit.

Česky Těšín ohrožuje Olše. Video reportérka Marta Pilařová. @iROZHLAScz @Radiozurnal1 pic.twitter.com/wstxAVzZrw

— Silvie Mikulcova (@SMikulcova) September 15, 2024

Pakësimi i reshjeve pritet gjatë ditës së hënë (16.09.2024).

Për shkak të motit ekstrem në Çeki mbetën pa energji rreth 250.000 shtëpi, njoftoi agjencia CTK duke iu referuar furnizuesit me energji.

Reshje dhe përmbytje ka pasur edhe në Poloni e Rumani.

Nga të dy këto vende njoftohet edhe për viktima një person në Poloni dhe pesë të vdekur në Rumani.

Në Rumani janë dëmtuar rreth 5000 shtëpi dhe qindra njerëz u desh të shpëtohen prej vërshimeve.

Eu am fost acolo în Conachi Slobozia pe 14 septembrie a doua zi după. Nu au șanțuri in sat . pic.twitter.com/lQYaIAWWx5

— Balea Pavel (@BaleaPavel) September 15, 2024

“Kjo është një katastrofë e përmasave epike”, tha kryetari i bashkisë së fshatit Slobozia Conachi në rajonin Galati.

Janë përmbytur rreth 700 shtëpi, vuri në duke Emil Dragomir.

Presidenti rumun Klaus Iohannis deklaroi: “Ne jemi konfrontuar sërish me pasojat e ndryshimit të klimës, që po bëhen gjithnjë e më fort evidente në kontinent me pasoja dramatike”. /DW/