Rënia e flokëve, djersitja dhe lodhja ndërlidhen me mungesën e vitaminës D

Vitamina D kryesisht fitohet përmes ushqimeve të caktuara, suplementeve dhe ekspozimit adekuat në diell

Ndonëse hulumtimet e shumta e kanë ndërlidhur ekspozimin në diell me kancerin e lëkurës, shumë nga ne kujdesemi për lëkurën duke e mbrojtur nga rrezet e diellit.

Problemi është se kështu trupi jonë përfundon me mungesë esenciale të vitaminës D dhe kjo mungesë ndikon në shëndetin tonë në shumë mënyra.

Amy Morris nga ‘Water for Health’ tregon për simptomat të cilat na shfaqen kur kemi mungesë të kësaj vitamine.

Në rrezik të mungesës së vitaminës D janë të moshuarit dhe njerëzit që kalojnë pjesën më të madhe të kohës në shtëpi, gratë shtatzëna ose në gji, si dhe personat që mbulojnë lëkurën dhe ata që ushqehen keq, transmeton Telegrafi.

Rënia e flokëve

Rënia e flokëve shpeshherë i atribuohet stresit, sipas Amyt, e që shpeshherë është shkaktari kryesor. Por kur rënia e flokëve është e shpeshtë, rekomandohet të kontrolloheni se mos kjo po ndodhë për shkak të mungesës së nutrientëve.

Vitamina D është ndër nutrientët më të rëndësishëm që kërkohet për funksionin e trupit.

Sipas ekspertes, mungesa e kësaj vitamine nuk përjashtohet si mundësi për rënien e flokëve.

Lodhja e pashpjegueshme

Lodhja shpeshherë ka shumë shkaktarë, por vitamina D është ndër më kryesorët.

Individët e diagnostikuar me mungesë të vitaminës D deklarojnë se kanë pak energji dhe lodhje të muskujve, ndërsa konsumimi afatgjatë i vitaminës D është dëshmuar se i përmirëson këto simptoma.

Djersitja e tepërt

Djersitja kronike, në veçanti në ballë, është indikator i njohur se trupi juaj ka mungesë të vitaminës D. Zonat më të zakonshme ku shfaqet janë koka dhe qafa. /Telegrafi/