Renault shiti më shumë se 770,000 automjete në gjysmën e parë të 2023

Renault njoftoi se ka shitur më shumë se 770.800 automjete në mbarë botën në gjysmën e parë të 2023, që është një rritje prej 11 për qind krahasuar me të njëjtën periudhë të vitit 2022.

Evropa mbeti tregu më i madh i markës franceze, me 501,985 automjete në gjysmën e parë të 2023, transmeton Telegrafi.

Shitjet në Evropë u rritën nga kërkesa në rritje për automjetet më fitimprurëse të segmentit C.

Këto vetura, të cilat përfshijnë modelet Austral, Counquest dhe Megane E-Tech, arritën shitje prej 136,195, një rritje prej 42 për qind krahasuar me një vit më parë.

Kërkesa për Austral-in e ri, i cili doli në shitje në Francë vetëm në fund të vitit të kaluar, nxiti këtë rritje, me 39,495 shitje në gjashtë muajt e parë.

Conquest ka qenë “bestselleri” i Renault në segmentin C, me 41.821 njësi të shitura. Këto vetura gjithashtu ndihmuan në rritjen e shitjes së hibridëve të Renault deri në 40 për qind në raporton me vitin e kaluar (me 83.000 njësi të shitura).

Rritja e fortë në shitjet hibride nxit përparimin e markës Renault në rrugën e elektrizuar. Austral me 65 për qind të shitjeve të versionit HEV dhe Arkana me 55 për qind të shitjeve të HEV japin një kontribut të rëndësishëm në këtë sukses.

Megane E-Tech tërësisht elektrik arriti në më shumë se 23,000 shitje në gjysmën e parë të vitit. Është vetura elektrike më e shitur në segmentin e saj në Francë.

Megane përbën pothuajse 50 për qind të shitjeve të automjeteve elektrike Renault, të cilat arritën në 48,000 njësi.

Nga gjysma e dytë e vitit 2023, Megane do të bëhet ndërkombëtar, me shitje që do të fillojnë ndër të tjera në Turqi dhe Brazil. /Telegrafi/