Reguilon i bashkohet trendit në rrjetet sociale duke publikuar një fotografi të vjetër me Bale dhe një të tanishme me të

Mbrojtësi i majtë i Tottenham Hotspur, Sergio Reguilon, i është bashkuar trendit të rrjeteve sociale, ‘Si filloi… si po shkon’, duke zgjedhur të publikojë fotografi të përbashkët me Gareth Bale.

Trendi i cekur në rrjetet sociale ka të bëjë me shpërndarjen e fotografive të mëparshme dhe krahasimin e tyre me fotografi më të reja.

Në këtë mënyrë, Reguilon ka zgjedhur të postojë një fotografi nga mosha rinore, në të cilën shfaqet me Bale te Real Madridi.

Ndërsa fotografia e dytë vjen nga tuneli i stadiumit të Tottenham Hotspur, ku dy futbollistët u prezantuan si lojtarë të rinj të Spursave.

Pikërisht të dy këta futbollistë në muajin e kaluar vendosën të largoheshin nga Los Blancos dhe të bashkoheshin në Ligën Premier.

23-vjeçari Reguilon ka qenë në Akademinë e Realit nga viti 2005 deri në vitin 2015 kur iu bashkua ekipit B pastaj është huazuar në klube të ndryshme. Ndërkaq, Bale ishte pjesë e Los Blancos nga viti 2013 kur edhe iu bashkua pikërisht nga Tottenhami. /Telegrafi/