Refuzohet oferta e parë e Cityt për Paquetan, braziliani ka një klauzolë largimi

Lucas Paqueta do të mbetet te West Ham United, përkundër interesimin nga Manchester City.

Në fakt kampioni në fuqi i Anglisë ka bërë një ofertë prej 70 milionë eurove, por kjo ofertë nuk e ka kënaqur West Hamin.

25-vjeçari ka zhvilluar 41 ndeshje zyrtare me fanellën e West Ham duke realizuar pesë gola e duke asistuar në shtatë të tjerë.

Lexo po ashtu City bën një ofertë befasuese për Lucas Paquetan

‘Çekanët’ nuk do ta pranojnë këtë ofertë, pasi dëshirojnë të fitojnë shumë më shumë nga shitja e tij.

Fabrizio Romano ka njoftuar se mesfushori brazilian ka një klauzolë largimi nga West Ham, por kjo klauzolë do të futet në fuqi vetëm nga vera e vitit 2024.

Lucas Paquetá release clause, not valid this summer. The clause is worth £85m and understood to be valid only from June 2024. ✨🇧🇷 #WHUFC

Paquetá would love to join Man City but West Ham have no intention to accept £70m fee discussed this week. pic.twitter.com/MGZf2CKCef

— Fabrizio Romano (@FabrizioRomano) August 9, 2023

Në rast se një skuadër dëshiron transferimin e brazilianit, atëherë nga vera e vitit 2024 klauzola e tij e lirimit është 85 milionë funte (98,5 milionë euro).

Mbetet të shihet nëse City do të rrisë tani ofertën për yllin brazilian, apo do të shikoj të tjera objektiva. /Telegrafi/