Deputeti i Partisë Demokratike të Kosovës, Elmi Reçica, ka kritikuar qeverinë për bllokim për përfundimin e punëve për ndërtimin e spitalit regjional të Ferizajt.
Ai tha se spitali regjional i Ferizajt do të përurohej sot, në shënimin e 22-vjetorit kur spitali ushtarak i UÇK-së i Zonës Operative së Nerodimës që kishte qenë në Shpellën e Lakuriqëve kishte zbritur në qytet, por që tha se një gjë e tillë është pamundësuar nga qeveria.
“Sot është një ditë shumë e veçantë për të gjithë qytetarët e regjionit të Ferizajt dhe është një moment historik. Sot 22 vjet spitali ushtarak i UÇK-së i Zonës Operative të Nerodimes i cili ka qenë në Shpellën e Lakuriqëve, ata të plagosur ushtarët dhe civilët kanë zbritur dhe është themeluar spitali i regjionit të Ferizajt dhe të gjithë qytetarët e dinë që është një ditë shumë e veçantë historike. Prej atij momenti pastaj kanë vazhduar angazhimet dhe punët për ta filluar dhe për ta përmbyllur ndërtimin e objektit të spitalit regjional të Ferizajt, mirëpo përkundër angazhimit dhe përkundër fuqizimit të kësaj ideje, sidomos dhe veçanërisht nga PDK e cila këtu e tri vjet më përpara e ka filluar ndërtimin e spitalit dhe ka qenë i paraparë që sot me 15 qershor ditën e 22 vjetorit të zbritjes së të plagosurve, ushtarëve dhe civilëve të përurohet ky objekt. Mirëpo edhe qeveria paraprake Kurti e cila i ka shkurtuar në maksimum mjetet buxhetore për vazhdimin e ndërtimit të spitalit regjional të Ferizajt, po ashtu edhe qeveria Kurti tash ka shkuar në hap më përpara dhe e ka ndaluar, e ka bllokuar ndërtimin e spitalit të Ferizajt”, u shpreh deputeti i PDK-së.
Ai për KP tha se me ndërtimin e atij spitali do të mund të trajtoheshin 250 mijë banorë të Ferizajt.
Tutje Reçica u shpreh se po të ishte PDK në qeveri dhe Uran Ismaili ministër i Shëndetësisë, sot do të përurohej spitali regjional i Ferizajt.
“U bëj ftesë qeverisë aktuale Kurti, ministrit të Shëndetësisë i cili po sillet më shumë si manekin sesa si një ministër i vërtetë që të rifillojë dhe të përfundojë sa më shpejt ndërtimi i objektit të spitalit regjional të Ferizajt. Gjithashtu i ftoj deputetët regjional, ne jemi 11 deputetë nga ai regjion dhe asnjëri nga ta gjerë më tani nuk e ka ngritur zërin për këtë objekt shumë të rëndësishëm. Gjithashtu ministri i Financave, Transfereve dhe Punës është nga Ferizaj dhe do të duhej që të kenë një kujdes të veçantë në mënyrë që të përmbyllet ky objekt i një rëndësie të veçantë. Po të ishte PDK në pushtet dhe po të ishte Uran Ismaili ministër i Shëndetësisë sot do ta përuronim atë objekt”, tha ai.
Spitali i Ferizajt ka zanafillën nga qershori i vitit 1999, ditën kur spitali ushtarak i ZO-Nerodimës me 65 te plagosur dhe personelin mjekësor nga zona e luftës vendosen në njërin segment të Shtëpisë së Shëndetit të qytetit në të cilin objekt gjendet edhe sot spitali.
Punën e fillon me tri repartet: Urgjenca, Gjinekologjia dhe Kirurgjia. Fillimisht ka qenë 110 punëtorë, prej tyre: 11 mjekë specialistë, 7 mjekë në specializim dhe pjesa tjetër personel i mesëm dhe personel ndihmës jo mjekësor. Fillimisht Spitali Rajonal qëndron ne mbikëqyrje financiare dhe kuadrovike nga QKUK (Qendra klinike Universitare e Kosovës), ndërsa në vitin 2005 me vendim te Ministrisë se Shëndetësisë Spitali pavarësohet duke u pranuar si Spitali Rajonal i Ferizajt. Me ligjin për Shëndetësi, është formuar Shërbimi Spitalor Klinik Universitar, Spitali i Ferizajt është pjesë e SHSKUK-së.
Lufta Prigozhin - Putin
Më shumëNga Rubrika
Pendarovski dhe Siljanovska vazhdojnë fushatën, kërkojnë mbështetje në rrethin e dytë të zgjedhjeve presidenciale
Gjykata Speciale, përfundon dëshmia e dëshmitarit të 60-të, gjykimi në ndaj Thaçit dhe të tjerëve rinis më 6 maj
Kosova pranë anëtarësimit në KiE, Bakoyannis: Asnjë kandidati nuk i janë kërkuar kaq shumë reforma
Hyn në fuqi marrëveshja, Shqipëria dhe Kosova heqin kontrollet në kufij për nëntë muaj
Hapet segmenti tre kilometra që lidhet me Urën e Kukësit, ura hapet plotësisht brenda qershorit
Kurti takon tri nënkryetaret serbe, konsultohet për lirinë e asocimit të komunave në veri
Cameron flet për vizitën e tij në Kosovë, tregon se çfarë i tha sekretarit të NATO-s lidhur me KFOR-in
SBAShK i kërkon Qeverisë dialog dhe rritje të pagave për së paku 30% – paralajmëron veprime tjera sindikale
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës