Realme GT Master arrin në Evropë

Telefoni i mençur, Realme GT Master së shpejti do të jetë në dispozicion për klientët në Evropë.

Çmimi fillestar zyrtar i telefonit celular është 349 euro, por klientët e parë do ta marrin atë për 299 euro. Përveç kësaj, në disa vende evropiane do të ketë zbritje shtesë që “ulin” çmimin në 256 euro. Është një ofertë vërtet e mirë për një smartphone që vjen me procesorin Snapdragon 778G të Qualcomm, një ekran Super AMOLED me një normë rifreskimi prej 120Hz dhe kamera të mira.

Në tregun evropian, GT Master do të jetë i disponueshëm në tre ngjyra, e bardhë hënore, e zezë Cosmos dhe gri Voyager, si dhe në dy konfigurime, 6 GB RAM dhe 128 GB memorie të brendshme dhe 8 GB RAM dhe 256 GB të memorje e brendshme.

Porositë paraprake pranohen nga 23 gushti, dhe Realme do të ofrojë kode promovuese për një zbritje prej 150 euro. 200 klientët e parë do të marrin gjithashtu kufje Buds Air 2 Neo falas.

Pajisjet e bardha me 128 dhe 256 GB memorie të brendshme do të jenë në dispozicion nga 30 gusht dhe 3 shtator, respektivisht, ndërsa dy opsionet e mbetura, të zeza dhe gri me 128 GB memorie të brendshme, do të fillojnë të vijnë tek klientët nga 3 dhe 10 shtator. /Telegrafi/