Reali pa Balen kundër Espanyolit

Real Madrid do të mundohet të shijojë fitoren e parë para shikuesve të vetë në sezonin e ri të La Ligas.

Në tri sfidat e gjertanishme, madrilenët kanë barazuar në dy raste dhe njëherë kanë pësuar humbje.

Los Blancos do të takohen gjatë ditës së nesërme me skuadrën e papërshtatshme të Espanyolit.

Por, kampioni spanjoll nuk do ta ketë në dispozicion futbollistin uellsian, Gareth Bale, i cili ka pësuar një lëndim në fitoren kundër Borussia Dortmundit në kuadër të Ligës së Kampionëve.

Mediat spanjolle raportojnë se trajneri Zinedine Zidane nuk dëshiron të rrezikoj me lojtarin, i cili ka tërhequr muskujt në triumfin 3-1 kundër gjermanëve.

Ndryshe, Bale ishte protagonist në takimin me Dortmundin duke realizuar një supergol. /Telegrafi/