Real Madridi ka tetë lojtarë të dëmtuar aktualisht, Ancelotti tani me probleme serioze

Me lëndimet e Eduardo Camavingas dhe Vinicius dëmtimet te Real Madrid kanë shkruar në tetë, me këta dy lojtarët e fundit që pritet të mungojnë rreth dy muaj.

Lajm është shumë i keq pasi te Los Blancos, tashmë infermieria është e mbushur.

Përveç Camavingas dhe Viniciusit, trajneri Ancelotti do të duhet të bëjë pjesën tjetër të sezonit edhe pa Thibaut Courtois dhe Aurelien Tchouameni, i cili do të kthehet në fushë vetëm në fillim të janarit.

Lexo po ashtu Real Madridi del me deklaratë rreth lëndimit të Vinicius Jr

E njëjta gjë vlen edhe për Eder Militao dhe nëse gjithçka shkon mirë, braziliani mund të kthehet më së shpejti në fund të prillit.

Dani Ceballos dhe Kepa Arrizabalga janë afër rikthimit, ndërsa Jude Bellingham pritet të jetë gati pas ndeshjeve ndërkombëtare. Situata e Arda Guler nga ana tjetër është shumë ndryshe, pasi talenti turk tashmë ka pësuar tre dëmtime dhe ende nuk ka debutuar me ekipin e tij të ri.

Lexo po ashtu Camavinga i shpëtoi dëmtimit të rëndë, por do t’i mungojë gjatë Real Madridit

Nuk dihet se kur do të jetë në dispozicion të Ancelottit, duke u bërë një rast i diskutueshëm dhe që shkakton më shumë se disa shqetësime. /Telegrafi/