Fitore komode e Real Madridit ndaj Espanyolit

Real Madridi ia ka fituar tri pikë mjaftë të vështira në javën e 16-të në La Liga.

Los Blancos fituan me rezultat 2-0 ndaj Espanyolit, por që vuajtën shumë deri tek ky rezultat.

Në fundin e pjesës së parë, madrilenët kaluan në epërsi me anë të Raphael Varanes që shënoi në minutën e 37-të nga një asistim i Karim Benzemas.

45 minutëshi i parë përfundoi me këtë epërsi minimale të skuadrës së Zinedine Zidanes.

Në të dytën, Reali kishte sërish iniciativën, por Espanyoli kërkonte t’i barazonte shifrat.

Mirëpo ishte sulmuesi francez që i qetësoj gjërat me golin e realizua në minutën e 79-të me një asistim fantastik të Federico Valverdes.

Reali më pas mbeti me një lojtar më pak në fushë, pasi Ferland Mendy (83’) pranoi kartonin e dytë të verdhë në ndeshje dhe u përjashtua nga takimi.

Edhe pse me dhjetë lojtarë në fushë, madrilenët arritën të arkëtonin tri pikë mjaftë të rëndësishme.

Pas javës së 16-të, Real Madridi është lider me 34 pikë në La Liga, ndërsa në xhiron e 17-të do të takohet me Valencian. /Telegrafi/