Ray J thyen heshtjen për herë të parë, thotë se Kim Kardashian ka një kasetë të dytë seksuale të papublikuar

Kaseta famëkeqe e Kim Kardashian është ‘publikuar si një album’ nga vet ylli i “Keeping Up With the Kardashians”, e cila e mbajti të vetmen kopje të saj të fshehur në një kuti këpucësh ‘Nike’ nën shtratin e saj së bashku me pjesën tjetër te kasetave që ajo realizoi me Ray J.

Duke folur për herë të parë për kasetën në një intervistë me DailyMail, Ray J tha se ai kurrë nuk kishte poseduar një kopje të ndonjë prej kasetave që ata bënë së bashku.

Ai gjithashtu këmbëngul se nuk ka bërë kurrë asnjë nga gjërat që ajo pretendon se ka bërë në shfaqjen e re të “Kardashians” në Hulu.

Ray J – emri i vërtetë i të cilit është Ray Norwood – tha për DailyMail: “Kam qëndruar në hije për më shumë se 14 vjet duke e lejuar Kardashian të përdorin emrin tim, të abuzojnë me emrin tim, të bëjnë miliarda dollarë gjatë një dekade e duke folur për një temë për të cilën nuk kam folur kurrë”.

“Unë kurrë nuk kam zbuluar asgjë. Unë kurrë nuk kam zbuluar një kasetë seksuale në jetën time. Ka qenë gjithmonë një marrëveshje dhe një partneritet mes meje, Kris Jenner dhe Kim dhe ne kemi qenë gjithmonë partnerë që nga fillimi i kësaj gjëje”.

Lexo po ashtu "Kjo do të thotë shumë për mua", Kim Kardashian shpërthen në lot kur e kupton që Kanye West mori të gjitha pamjet e video-kasetës së saj seksuale nga Ray J

Ish-çifti, i cili u bashkua në vitin 2002 kur të dy ishin 21-vjeçarë, realizuan kasetën famëkeqe gjatë ditëlindjes së saj atë vit.

U publikua gjegjësisht në vitin 2007.

Ray J, tani 41-vjeç, tha për DailyMail se publikimi i videos ishte ideja e tij dhe ai ia sugjeroi Kimit pasi panë se si profili i Paris Hilton ishte rritur kur u zbulua filmi që ajo bëri me Rick Saloman.

Derisa Kim pretendon se nuk donte ta bënte atë, Ray J thotë se 41-vjeçarja e përqafoi idenë dhe kërkoi nënën e saj Kris Jenner që të organizonte publikimin e saj përmes Vivid Entertainment.

Kontrata eventuale, e cila u nënshkrua nga Ray J dhe Kim, ishte për tre video, duke përfshirë dy kaseta seksuale, një e realizuar në hotelin Esperanza në Cabo San Lucas, Meksikë, dhe një e krijuar në Santa Barbara, dhe një kasetë e tretë.

Vetëm një kasetë – video e xhiruar në Cabo – u publikua ndonjëherë dhe babai i dy fëmijëve tha për DailyMail se të gjitha kasetat intime mbaheshin në shtëpinë e Kimit në një kuti këpucësh nën shtratin e saj.

“Dua të them që e gjithë kjo është një gënjeshtër. Që nga fillimi që kemi nxjerrë këtë kasetë seksuale, kjo ka qenë gënjeshtra më e madhe në industrinë e historisë së argëtimit”.

“Ata nuk po ia bëjnë të ditur botës se ka një sërë kasetash seksuale që kemi bërë, por ato nuk do të shkojnë askund sepse ajo i ka të gjitha”.

“Nuk i kam pasur kurrë për t’i parë dhe për t’i shijuar”, shton ai.

“E pyeta në rrjete sociale, si t’ia shpjegoj vajzës sime se kjo është një gënjeshtër. Nëse jeni të shqetësuar për familjen tuaj, po për familjen time?”, vazhdon ai.

“Nëse ata nuk do të ktheheshin dhe nuk do të tregonin se si ishin në të vërtetë, sa të pangopur dhe të ndyrë ishin në të vërtetë, nuk do të kisha pasur kurrë entuziazmin apo vullnetin për të dalë dhe të them të vërtetën time”.

“Unë thjesht dua që vajza ime dhe djali im të vlerësojnë për atë që kam bërë dhe ta dinë se babai i tyre nuk bën shfrytëzimin e grave, mosrespektimin e grave dhe nxjerrjen e pamjeve të dikujt që nuk ka dhënë leje”.

“Nuk do t’i lejoj ta bëjnë këtë me mua”, përfundon bisedën këngëtari amerikan. /Telegrafi/