Ramos: Ndeshje e rëndësishme , si një finale – Di Maria mund ta zëvendësoj Neymarin

Real Madridi do të luaj nesër (e martë) në udhëtim te Paris Saint-Germain dhe Sergio Ramos ka bërë të qartë se skuadra e tij është e gatshme për ndeshjen ndaj udhëheqësve të Ligus 1.

Kapiteni bëri thirrje që bashkëlojtarët e tij të jenë të fokusuar pasi ndeshja është si një finale dhe duhet të përpiqen të mbrojnë kryesimin e tyre prej 3-1 nga ndeshja e parë.

“Qasja dhe përqendrimi ynë janë prioritete, duhet të jemi vigjilent”, ka thënë fillimisht Ramos gjatë konferencës për shtyp të para ndeshjes.

Lexo po ashtu Emery: Ndeshja e vitit, duam të luajmë kundër Realit më të mirë dhe ta tregojmë veten

“Nuk ka vend për gabime, pasi një dështim mund të na lërë jashtë”.

“Është një ditë e rëndësishme, si një finale”.

“Nuk jemi këtu për të dhuruar asgjë, kështu që nuk mund të kemi mungesë qëndrimi”.

Lexo po ashtu Zidane: Reali duhet ta luaj një lojë të madhe për 90 minuta apo edhe më shumë

Kapiteni foli edhe për mungesën e yllit kryesor të PSG-së, Neymar dhe theksoi se ish-shoku i tij i skuadrës, Angel Di Maria, do të ishin një zëvendësim i fortë për brazilianin.

“Neymar është një lojtar tjetër dhe ai është gjithnjë i rrezikshëm”.

“Por, unë e di se kush mund ta zëvendësojë atë. Është Di Maria, ai është një lojtar i madh”, përfundoi kapiteni i Realit. /Telegrafi/