Raiola në Itali, ia ofron klubeve të mëdha Balotellin

Mario Balotelli ende nuk ka gjetur një angazhim të ri për edicionin e ardhshëm.

Sulmuesi italian është larguar nga skuadra franceze Nice si futbollistë i lirë.

Por e ardhmja e tij duket se do të jetë përsëri në kampionatin italian Serie A.

E për këtë gjë është duke u përkujdesur menaxheri i tij Mino Raiola.

Mediat italiane kanë raportuar se Raiola është duke qëndruar në Itali dhe pritet të vendosë brenda një jave për të ardhmen e Super Marios.

Menaxheri i famshëm ia ka ofruar lojtarin e tyre tri skuadrave të mëdha italiane, Juventus, Napoli dhe Roma.

Gjithsesi lojtari po kërkohet edhe nga disa skuadra mesatare në Itali si Bologna, Sampdoria dhe Lazio.

Paga që lojtari po kërkon është katër milionë euro neto në stinor që është shumë e madhe për ekipet italiane.

Roma dhe Napoli mbetën skuadrat më të interesuara pasi Juventus prioritet ka Alvaro Moratan.

Lexo po ashtu Të gjitha lajmet nga Transferimet

Si Giallorosët ashtu edhe napolitanët synojnë që t’ia zbresin pagën në tre milionë euro për të nënshkruar me lojtarin.

Mbetet të shihet se në cilin klub të madh italian do të luajë Balotelli, pasi më parë ka veshur fanellën e Milanit dhe Interit. /Telegrafi/