Rade Sherbexhija demanton Luan Kryeziun: Nëse dëshiron të bëhesh artist, dije që e vërteta është kushti i parë për këtë

Aktori i njohur Rade Sherbexhija, i ka demantuar si gënjeshtra lajmet se iu ka ofruar “njëfarë regjisorit të ri shqiptar të filmit, që të luajë në filmin e tij për Adem Jasharin”.

Lexo po ashtu Luan Kryeziu: Rade Sherbexhija, kërkon të luajë rolin e Adem Jasharit!? (Video)

“Jam në Los Anxhelos ku po xhiroj një seri televizive dhe nuk kam kohë të merrem me thashethemet mediatike se gjoja unë, përmes mikut tim Enver Petrovcit, i jam ofruar njëfarë regjisorit të ri”, ka thënë ai për FoNet. “Është e pakuptimtë të luaj atë rol, siç është e pakuptimtë që dikush të besojë se unë do ta pranoja atë ofrtë”.

Lexo po ashtu Disa fjalë për ata që nuk e dinë se kush është Rade Sherbexhija

“Atë regjisorin e ri mund ta porosis se kam qenë mik i shumë aktorëve të mëdhenj shqiptarë, si i Bekim Fehmiut, Faruk e Istref Begollit, Enver Petrovcit dhe shumë të tjerëve… Dhe të gjithë i kujtoj me zemër, jo vetëm si artistë madhështorë, por edhe si njerëz të ndershëm e të mrekullueshëm që kanë qenë krenarë dhe të sinqertë”, ka shtuar ai. “Nëse dëshiron të merret me art, ai regjisori i ri duhet ta dijë se e vërteta është kushti i parë për t’u bërë artist”. /Telegrafi/