Të gjithë qytetarët e Kosovës të cilën janë klientë të bankave komerciale në vend mund ta shikojnë historikun e tyre edhe online nëpërmjet Regjistrit Kreditor të Bankës Qendrore të Kosovës (BQK). Por për të hapur një llogari online në këtë regjistër duhet mund. Pasi ta keni plotësuar aplikacionin online atëherë duhet ta dërgoni të fotokopjuar një dokument identifikues dhe aplikacionin e printuar fizikisht në BQK, apo në ndonjë bankë komerciale edhe nëse jetoni në zona të thella dhe largësia me BQK-në, por edhe bankat është e madhe.
Mos shfrytëzimi i lehtësirave që ofron teknologjia mund të konsiderohet i pa kapshëm në ditët e sotshme edhe pse sjelljen e aplikacioneve fizikisht në BQK thonë se e bëjnë për shkaqe sigurie dhe ndjeshmërisë të të dhënave.
Zëdhënësi i Bankës Qendrore të Kosovës, Kushtrim Ahmeti ka thënë për Telegrafin se BQK-ja, përmes portalit www.raportikreditor.org mundëson pranimin dhe regjistrimin e të dhënave në formë elektronike për të hapur llogari në sistemin e Regjistrit të Kredive të Kosovës (RKK).
“Me qëllim të mbrojtjes së të dhënave të personave fizik dhe atyre juridik, të cilat gjenden në sistemin e RKK-së, BQK-ja aplikon kontrollë shtesë para se të lëshojë qasjen ‘online’ për palët e regjistruara në sistem, kështu që kërkohet që pas regjistrimit, fizikisht të sillen dokumentet e cekura sipas udhëzimeve të publikuara në portal”, tha ai.
Sipas Ahmetit mos konfirmimi i hapjes së llogarisë në regjistrin kreditor online është për shkak të mos keqpërdorimit të të dhënave nga palët e paautorizuara.
“BQK-ja konsideron se forma të cilën e aplikon aktualisht për procesimin e dokumenteve konfirmuese, ofron sigurinë e nivelit më të lartë, përderisa në vend nuk kemi ndonjë mekanizëm tjetër verifikues elektronik të sofistikuar, si p.sh “nënshkrimi elektronik” apo ndonjë formë tjetër e ngjashme që pamundëson keqpërdorimin e të dhënave nga palët e paautorizuara”, ka thënë zëdhënësi Kushtrim Ahmeti.
Kurse, Drejtori Ekzekutiv i Shoqatës së Bankave të Kosovës, Petrit Balija ka thënë për Telegrafin se Regjistri Kreditor i Kosovës, është shumë i rëndësishëm për zhvillimin e sistemit financiar respektivisht kreditimin e ekonomive familjare dhe bizneseve. Sipas tij, secili qytetarë mund ta monitoroj historikun e vet 24 orë përmes internetit.
“Përveç që i ndihmon qytetarët të monitorojnë kategorinë në të cilën ata janë, kyçja në këtë regjistër i ndihmon ata që të parandalojnë ndonjë gabim apo edhe keqpërdorime të mundshme të identitetit të tyre nga keqbërës”, tha Balija.
Ky regjistër sipas tij, u mundëson qytetarëve dhe bizneseve që të kenë një pasqyrë të historikut të tyre kreditor që kanë të bëjnë me marrjen e kredive çoftë si kredimarrës kryesorë apo edhe si garantues për të tjerët si dhe regjistrimin e pengut.
“Ky kategorizim bëhet në bazë të rregullsisë së kthimit të kredive në të kaluarën në mënyrë që institucionet financiare të mund të vlerësojnë profilin kreditues të secilit klient para aprovimit të një kredie. Rrjedhimisht, funksioni i këtij regjistri është i pazëvendësueshëm për zhvillimin e sektorit financiar”, tha Balija.
Sipas tij, dërgimi i aplikacionit fizikisht në BQK nuk duhet të jetë dekurajim për qytetarët. “Kjo nuk duhet të jetë dekurajim, përkundrazi duhet të ju jap një ndjenjë të shtuar sigurie qytetarëve në lidhje me këtë regjistër. Prandaj inkurajoj secilin që nuk është regjistruar që të regjistrohet dhe të monitoroj historikun e tij/saj duke mbajtur një profil të mirë si huamarrës pasi që kjo i ndihmon në të ardhmen kurdo që ju duhet të marrin ndonjë kredi në institucionet financiare të Kosovës”, tha Petrit Balija, Drejtor Ekzekutiv i Shoqatës së Bankave të Kosovës.
Telegrafi ka folur me disa qytetarë të cilët kanë hapur profil për të shikuar online historikun kreditor dhe e shohin si të tepër dërgimin e dokumenteve përkatës pas plotësimit online edhe fizikisht në BQK. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Kurrë s’e ke pas ma lehtë se me Telegrafi Jobs me gjetë punë!
Bëhu banor i kryeveprës së Prizrenit - Grand Residence
Qysh bohet kerri i vogël, kerr i ri!
Policia me apel për qytetarët: Kujdes nga mashtrimi përmes investimeve të dyshuara online
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City