Qofte pikante me thjerrëza (për fëmijë)

Nevojiten:

* 1 lugë gjelle me vaj ulliri
* 1 kokërr qepë e grirë hollë
* 1-2 lugë çaji pluhur erëzash (sipas shijes së fëmijëve tuaj)
* 175 g thjerrëza të kuqe
* 600 ml lëng zarzavatesh
* 125 g thërrime buke
* kripë dhe piper i zi (sipas dëshirës)
* pak vaj

Gatimi:

Ngrohni furrën deri në 200 gradë C. Në një tigan të madh ngrohni vajin e ullirit; skuqni në të qepën derisa të zbutet.

Shtoni pluhurin e erëzave; lëreni në nxehtësi edhe për dy minuta të tjera.

Shtoni thjerrëzat dhe lëngun e zarzavateve. Lërini edhe 20-25 minuta pasi marrin valë.

Lëreni përzierjen të ftohet pak; më pas shtoni në të masën me thërrimet e bukës. Formoni katër qofte të mëdha ose tetë të vogla.

Vendosini ato në një tavë furre të lyer me pak yndyrë; spërkateni secilën qofte me pak vaj.

Lërini të piqen për 7-10 minuta, derisa të marrin ngjyrë floriri të errët.

Janë të pasura me proteina dhe hekur.

Këto lloj kotëletash përgatiten me thjerrëza të kuqe, që janë një burim i jashtëzakonshëm proteinash, hekuri dhe fibre. Ato piqen në furrë, me shumë pak vaj.