Qindra zogj u gjetën të ngordhur në rrugët e Romës, pas shfaqjeve të fishekzjarreve të Vitit të Ri

Qindra zogj ngordhën pasi shumë njerëz përdorën fishekzjarre në kryeqytetin italian në prag të Vitit të Ri, thanë të premten grupet për të drejtat e kafshëve duke e quajtur atë një “masakër”.

Sipas Euronews, përcjell Telegrafi, pamjet e rrugëve pranë stacionit kryesor të trenit të Romës treguan dhjetëra e dhjetra zogj – të shpërndarë – të pajetë në tokë.

Shkaku i ngordhjes së tyre nuk ishte i qartë, por Organizata Ndërkombëtare për Mbrojtjen e Kafshëve (OIPA) tha se ajo dukej e lidhur me një shfaqje veçanërisht të fortë të fishekzjarreve në lagjen me gjethe që shumë zogj e përdorin për foletë e tyre.

#Rome #Italy: #NewYearsEve2021 the terrible consequence of #fireworks ?? dead #birds. Urge a ban ? pic.twitter.com/XPlgHXCsEH

— OIPA International (@OIPAInternation) January 1, 2021

“Mund të jetë që ata ngordhën nga frika. Ata mund të jenë përplasur me njëri-tjetrin, ose të godasin dritaret ose linjat elektrike. Le të mos harrojmë se ata gjithashtu mund të ngordhin nga sulmet në zemër”, tha Loredana Diglio, një zëdhënëse e organizatës.

Shfaqjet e fishekzjarrëve çdo vit shkaktojnë shqetësime dhe lëndime të kafshëve të egra ashtu edhe të atyre shtëpiake, vuri në dukje ajo.

Dhe përqendrimi i pazakontë i ngordhjes së zogjve erdhi pavarësisht nga një ndalim nga qyteti i Romës për shfaqje personale të fishekzjarreve, i cili u injorua gjerësisht, dhe një shtetrrethimi prej orës 10 të mbrëmjes për shkak të kufizimeve të virusit.

Dega italiane e OIPA ka kërkuar ndalimin e shitjes së fishekzjarreve për përdorim personal, duke përmendur kërcënimin ndaj kafshëve. /Telegrafi/