As 10 për qind të buxhetit për investime kapitale nuk i ka shfrytëzuar Qeveria e Kosovës për nivelin qendror e 19 për qind për atë lokal.

Kjo po konsiderohet shqetësuese e humbje për ekonominë e vendit dhe taksapaguesit.

Krejt minimal po del të jetë interesimi Qeverisë së Kosovës në investime kapitale.

Buxhetin e destinuar për të ekzekutivi e ka shpenzuar më së paku gjysmën e pare të këtij viti.

Kjo sipas një raporti të Institutit GAP, sipas të cilit, në nivelin qendror është shpenzuar vetëm 9% e buxhetit për investime kapitale, kurse për nivelin lokal 19%.

Shifra kaq të ulëta, sipas GAP-it, nuk janë regjistruar në dekadën e fundit, përfshirë këtu edhe vitet e pandemisë.

Reklama

RTV Dukagjini ka pyetur Qeverinë për këtë çështje, por gjatë së shtunës nuk ka treguar arsyet e nivelit të ulët të shpenzimeve për këtë kategori.

Reklama

Këtë situatë fort shqetësuese e vlerëson njohësi i ekonomisë, Safet Gërxhaliu.

Sipas tij, qeveria duhet të reflektojë, sidomos në këtë periudhë të inflacionit rekord.


Safet Gërxhaliu, ekonomist

“Duhet të kuptohet që paratë e taksapaguesve duhet t’u kthehen qytetarëve përmes projekteve. Këto projekte kanë rëndësi edhe ekonomike edhe sociale po edhe integruese. Sepse në fund të fundit me këto projekti përfiton qytetari, përfiton biznesi dhe krijohet një kontinuitet i stabilitetit ekonomik që fatkeqësisht Kosovës po i mungon”, ka thënë Gërxhaliu.

Reklama

Statistika të tilla kanë nxitur reagimin e kritikëve të Qeverisë, përfshirë këtu edhe kreun e LDK-së Lumir Abdixhiku.


Lumir Abdixhiku, LDK

“Premtimet e 40 çerdheve në Kosovë, të 4000 banesave sociale, të rrugëve rajonale, bankave zhvillimore e aseteve sovrane – nuk kanë filluar as edhe në letër. Dhe për aq sa merr kohë një projekt të nis e përfundojë, edhe dy verat e ardhshme të këtij mandati do të shkojnë pa asnjë shenjë të lënë”, ka thënë Abdixhiku.

Reklama

Gjatë gati një vit e gjysmë qeverisjeje, ekzekutivi i Kurtit, sipas Abdixhikut, nuk ka lënë asnjë shenjë në investime kapitale. /Dukagjini/