“Qaja çdo ditë për gjashtë muaj”, Mirsa Kërqeli tregon vështirësitë a adaptimit në Kanada dhe mohon faktin që burri ta ketë larguar nga muzika

Këngëtarja e njohur shqiptare, Mirsa Kërqeli, dikur ishte shumë aktive në muzikë.

Mirëpo ka tash e sa vite që ajo është shumë më rrallë prezente në skenë, herë pas here me ndonjë projekt muzikor por jo konstante.

E krejt kjo duket të ketë ndodhur për shkak të shpërnguljes së saj në Kanada, ku nisi një jetë të re bashkë me bashkëshortin e saj, Granitin, dhe dy fëmijët.

Mirsa tregoi se adaptimi me jetën e re përtej oqeanit ishte i vështirë, veçanërisht në gjashtë muajt e parë pas shpërnguljes.

“Gjashte muaj ka qenë tmerr, çdo ditë ndoshta kam qarë edhe e kisha atë problemin qe po dua të kthehem, por nuk mund të vendosja të kthehem shkaku i djalit sepse e kisha djalin atje. Krejt qëllimi që kam vendosur të jetoj atje është djali, në fakt tash edhe vajza edhe burri në të njëjtën kohë punonte dhe studionte dhe nuk doja t’ia humbisja karrierën”, ka thënë Mirsa.

Lexo po ashtu Të gjitha lajmet nga Estrada Shqiptare

Tutje, ajo thotë se e ndjen mungesën e gjithçkaje nga vendi i saj i lindjes.

“Me merr mallin ndoshta edhe për baltën e Kosovës, për gjithçka, sidomos për familjen nuk diskutohet. Më merr malli për punën, më ka marrë malli për skenën, për adhuruesit e mi, për gjithçka që e rrethon Kosovën”, ka shtuar këngëtarja nga Gjilani.

View this post on Instagram

A post shared by Mirsa Kerqeli (@mirsakerqelii)

Mirsa gjithashtu mohoi zërat e gojëve të liga që aludonin se xhelozia e bashkëshortit të saj ishte shkas që ajo të largohej nga muzika.

Ajo hodhi kategorikisht poshtë këtë mundësi, duke thënë madje se përkundrazi, Graniti ishte ai që e shtynte gjithmonë drejt rikthimit në skenë. /Telegrafi/