Pyetet për lidhjen e dikurshme me Rob Kardashian, Rita Ora: Gati e paskam harruar

Rita Ora duket se vuante nga një tjetër periudhë amnezie këtë javë pasi kishte harruar plotësisht lidhjen e saj në të kaluarën me Rob Kardashian.

Këngëtarja, 30 vjeçe, u takua me Robin për dy muaj nga tetori i vitit 2012 para se t’i jepte fund romancës së tyre të shkurtër për shkak të ‘orarit të saj të ashpër të punës’ dhe stilit të tyre të jetesës të papajtueshme.

Dhe ajo pranon të tregojë se gati sa e ka harruar fare që dikur ishte në lidhje me Rob Kardashian, shkruan DailyMail.

“Oh, e kam harruar atë”, tha ajo për Sunday Times kur u pyet se si ishte të ishe në lidhje me një anëtar të familjes Kardashian.

“Ishte shumë jetëshkurtër. Isha aq e re. Ishte kënaqësi. Ishte shumë, shumë argëtuese, mendoj. Kjo është gjithçka që mbaj mend”, tha Rita Ora në këtë intervistë.

Lexo po ashtu Babai i Rita Orës turpëron këngëtaren për shkeljen e rregullave të izolimit për ditëlindjen e saj të 30-të

Fundi i romancës së tyre të shkurtër përkoi me një seri postimesh të hidhura në rrjetet sociale nga Rob, i cili indirekt sugjeroi që këngëtarja e kishte mashtruar atë shumë herë gjatë marrëdhënies së tyre.

Duke shkruar menjëherë pas ndarjes së tyre në dhjetor të vitit 2012, ai shkroi: “Kur një grua të tradhton me një burrë, unë mund të jetoj me të. Njerëzit bëjnë gabime, më besoni. Kam falur shumë herë”.

“Por kur një grua nuk e respekton veten duke u ngatërruar më shumë se 20 burra ndërsa është në një lidhje me një burrë besnik. Unë thjesht nuk kuptoj se si një grua mund ta bëjë këtë në trupin e saj. Dhe karriera juaj nuk është nisur akoma. Unë nuk e duroj pazotësinë. BESNIKE”, kishte shkruar më tej vëllau i vetëm i motrave Kardashian/Jenner.

Ai më vonë shtoi: “Si mundet që një grua që është kaq e zënë duke u përpjekur të fillojë karrierën e saj të ketë kohë të jetë me kaq shumë djem ndërsa është në një lidhje?!”.

“Unë në të vërtetë jam i neveritur që një grua mund të heqë dorë nga trupi i saj në më shumë se 20 tipa në më pak se një vit ndërsa përpiqet të fillojë një karrierë”, kishte shkruar tutje Rob.

Këto statuse në Twitter qëndruan për rreth 30 minuta para se Rob t’i fshihte ato – por jo para se të bëheshin virale.

Në një intervistë për ‘Glamour’, këngëtarja Ora konfirmoi se ajo nxiti ndarjen, por donte ta ‘mbante atë miqësore’.

Ajo komentoi: “Unë nuk jam duke shkuar më me Rob. Ne ishim afër për një kohë, por nuk funksionoi sepse unë nuk isha kurrë atje”.

“Isha si një fantazmë. Isha e zhgënjyer kaq shumë me veten time dhe më pas pyesja veten pse isha e zemëruar, kështu që vendosa se ishte më e mira për ta mbajtur atë miqësore – veçanërisht në momentin kur ka kaq shumë gjëra që po ndodhin”.

Këngëtarja, aktualisht është në lidhje me producentin Romain Gavras, ndërsa më parë ka qenë në lidhje me emra tjerë të njohur si: DJ Calvin Harris, aktorin Andrew Garfield dhe djalin e stilistit Tommy Hilfiger, Ricky Hil.

Këngëtarja ka duruar një javë të vështirë pasi nuk ka përfillur rregulloret e COVID-19 duke organizuar një festë ditëlindjeje në një restorant në Londër, para se të ishin lehtësuar kufizimet e vështira të izolimit.

Incidenti, i cili rezultoi në atë që ajo të paguante një gjobë prej 10,000 funtesh në polici, erdhi pasi ajo fluturoi me avion privat në Kajro në 21 nëntor për të performuar në hotelin me pesë yje “W” – ndoshta si pjesë e një festimi të 66 vjetorit të Presidentit Egjiptian Abdul Fattah al- Sisi, i cili ishte i pranishëm natën.

Ajo u kthye të nesërmen dhe nën rregullat e karantinës së Qeverisë duhet të ishte vetë-izoluar për 14 ditë, por përkundrazi organizoi festën e ditëlindjes së saj vetëm shtatë ditë më vonë.

Rita që atëherë ka kërkuar falje pasi ajo dhe rreth 30 të ftuar, përfshirë modelen e famshme Cara Delevingne, ishin fotografuar në festën e saj të ditëlindjes të paracaktuar.

Përveç kërkimfaljes së saj, Rita tha se do të dhuronte ndonjë fitim nga koncerti në Egjipt për bamirësi. /Telegrafi/