Putin ndal rrjetin e celularëve në Shën Petersburg – zyrtarët ndërkombëtar pa qasje në telefona gjatë samitit ekonomik

Disa udhëheqës të biznesit dhe politikanë janë paraqitur në Forumin Ekonomik Ndërkombëtar në Shën Petersburg për të dëgjuar presidentin rus, Vladimir Putin.

“Këto janë masa të mëdha sigurie, të cilat janë të papara deri më tani”, sipas korrespondentit së skynews në Moskë, Diana Magnay.

Raportet sugjerojnë se rrjetet celulare janë ndalur, që do të thotë se edhe shoferët e taksive nuk mund të përdorin më GPS, tha ajo.

Ajo shpjegoi se sulmet me dronë në Moskë dhe vrasjet e figurave në institucionin rus kanë trembur Kremlinin.

Vetë ngjarja është “zvogëluar”, me një numër në rënie të investitorëve të interesuar perëndimorë, tha ajo.

Lexo po ashtu Konfirmohet vrasja e gjeneralit të parë rus në vitin 2023

IEF, i mbajtur çdo vit që nga viti 1997, është nisur nga zyrtarët rusë si përgjigje e vendit ndaj Forumit Ekonomik Botëror të mbajtur në Davos.

Investitorët e mëdhenj perëndimorë u mblodhën në këtë ngjarje në dekadën e parë të sundimit të Putinit, por presidenti thotë se Rusia po i drejtohet Kinës dhe fuqive aziatike.

Këtë vit, gazetarët perëndimorë përballen me një ndalim të përgjithshëm që nuk është vendosur kurrë më parë. /Telegrafi/