LAJMI I FUNDIT:

Punëtorët e Trepçës vazhdojnë grevën, kërkojnë pagën e muajit tetor

Punëtorët e Trepçës vazhdojnë grevën, kërkojnë pagën e muajit tetor
Foto: Ilustrim

Punëtorët e kombinatit Trepça që nga mbrëmë janë duke vazhduar grevën, me arsyetimin se ata nuk kanë marrë ende pagën e muajit tetor.

Sipas kryetarit të Sindikatës së Punëtorëve të Trepçës, Gani Osmani, punëtorët do ta vazhdojnë grevën deri sa ta marrin pagën e mbetur.

Osmani për Telegrafin tha se, punëtorët e tre ndërrimeve kanë hyrë në grevë.

“Që nga dita e djeshme, përkatësisht nga mbrëmë, punëtorët e Trepçës janë duke mbajtur grevë, me arsyetimin se ende nuk e kanë marr pagën e mbetur të muajit tetor. Punëtorët janë këmbëngulës që do ta vazhdojnë të mos punojnë deri sa ta marrin pagën”, tha Osmani.

75 punëtorë të Trepçës mbyllen në minierë, kërkojnë pagën e muajit tetor
Lexo po ashtu 75 punëtorë të Trepçës mbyllen në minierë, kërkojnë pagën e muajit tetor

Ndryshe, Qeveria e Kosovës në fillim të javës kishte marr vendim që Trepçës t’i ndahen 1.1 milion euro.

Ky vendim është marr pasi minatorët e minierës në Stantërg kishin ndërprerë punën në fillim të këtij muaji për shkak të mosmarrjes së pagave për muajin tetor.

Gjithashtu, disa herë punëtorët e kombinatit Trepça kanë pasur vonesa në marrjen e pagave. /Telegrafi/