Publikohet non-paper i ri për kontestin Maqedoni-Bullgari: Të dy shteteve do t’u jepet garanci për përforcimin e konceptit të kombit-shtet
Vetoja bullgare për të penguar çeljen e negociatave të Maqedonisë së Veriut me Bashkimin Evropian, për aderim me të drejta të plota në familjen evropiane, për shkak të rezervave të Sofjes zyrtare ndaj identitetit kombëtar e historik maqedonas, ka bërë që këto ditë të lëshohet në qarkullim edhe një ‘Non paper’ i ri.
Televizioni “Klan Macedonia” ka siguruar një kopje të këtij dokumenti joformal me përmbajtjen e të cilit thuhet se janë në dijeni si Sofja, ashtu edhe Shkupi zyrtar, por besohet se për të nuk janë pa njohuri as vendet e fuqishme të Bashkimit Evropian, të interesuara për zgjidhjen e kësaj ‘nyjeje gordiane’ dhe për integrimin e Ballkanit Perendimor në BE. Dokumentin në tërësi e keni më poshtë:
NON PAPER PËR KONTESTIN RMV – BULLGARI
Integrimi i Ballkanit Perendimor në organizatat evropiane dhe euroatlantike përbën një çështje të sigurisë afatagjtë me epërsi të lartë. Nga disa çështje të hapura, sikurse zgjidhja përfundimtare për marrëdhëniet ndërmjet Serbisë dhe Kosovës, revidimi i funksionalitetit të federatës dejtonase të BeH, një sfidë akute që krijon ngërç politik të të gjithë rajonit është edhe stopimi i procesit të integrimit të Maqedonisë së Veriut në Bashkimin Evropian.
Krahas Shkupit dhe Sofjes, mosbesimi përçohet edhe në Beograd dhe Prishtinë; Tirana tash më ndjehet e rrezikuar për shkak të sistemit joformal të lidhjes me Shkupin në rrugën e integrimeve evropiane, ndërsa është çështje kohe kur do të soset durimi edhe i Athinës zyrtare e cila edhe më tej është nën veprimin e anestezisë politike nga Marrëveshja e Prespës.
Këtë tash më po e ndjejnë edhe qendrat alternative të pushtetit, ndaj edhe prania e kanosjeve hibride ruse dhe fuqia e butë ekonomike e Kinës në rajon po forcohet gjithnjë e më tepër.
Kushtimisht, faktori politik ‘perendimor’ duhet të ndërtojë patjetër të ndërtojë një qëndrim të përbashkët të detajuar i cili do të imponohet si zgjidhje ‘merre ose lëre’ me qëllim që të zgjidhet nyja goridane rrënjët e së cilës janë në narrativat historike të lidhura me çështjet identitare të maqedonasve dhe bullgarëve.
Problemi qëndron në aspektin e ndryshëm të interpretimit të ngjarjeve të njohura të para një shekulli. Mitologjizimi i historisë të dyja shtetet i vë në gjendje të ngërçit politik, të luftojnë për interesat kombëtare me karakter thelbësor, ekzistencial.
Zgjidhjet e deritashme kompromise të dyja shtet i çmojnë si të ‘këqija’ që në një afat të gjatë përbëjnë kërcënim serioz për sigurinë e tyre kombëtare. Së këndejmi edhe përgjegjësia që po e tregojnë vendet është e shkallës jashtëzakonisht të lartë të presionit politik për arritjen e zgjidhjes.
Për zgjidhjen e kësaj pjese të çështjes ‘maqedonase’, tani më të dyja palëve iu është ofruar i ashtuquajturi parim dual, që do t’ju lejonte të dyja palëve aspektin e vet të ngjarjeve unike historike.
1. Republikës së Bullgarisë do t’i jepen garanci për përforcimin e konceptit të tanishëm të kombit-shtet, me ç’rast do t’i njihet konteksti historik për prejardhjen bullgare të qytetarëve të saj pa përjashtim. Me këtë Bullgaria do të çlirohet nga trauma se përmes të drejtave të pakicave do t’i rrezikohet stabiliteti dhe siguria afatagjatë.
2. Në Republikën e Maqedonisë së Veriut, nga ana tjetër, do të përforcohet konteksti i shoqërisë shumetnike nëpërmjet përfshirjes edhe të narrativës bullgare.
3. Bullgarët do të futen në Kushtetutë, njësoj si dhe bashkësitë e tjera etnike(saktësisht – si pjesë e popullit bullgar),
4. Shoqatat e bullgarëve me këtë do të fitojnë mbrojtje dhe kujdes të veçantë nga shteti për të kultivuar, të promovojnë mësimin e aspektit të tyre të ngjarjeve historike dhe kjo do t’ju garantohet me Kushtetutë,
5. Pjesa shumicë e popullit sllav që e identifikon veten si maqedonasë dhe të cilët konsiderojnë kontekstin historik për veçantinë e popullit maqedonas, do ta ruajë mundësinë e aspektit dhe të të narrativës së vet të kësaj historie të përbashkët,
6. Kjo nënkupton se do të ekzistojë një e vërtetë faktike që përbën veprim empirik shkencor, por që do t’i mundësohet aspekt dual për definimin e kontekstit dhe rëndësisë kombëtare për identitetet e të dy popujve,
7. Ky sistem dual do të zbatohet edhe në sistemin arsimor, aty ku do të rekomandohet konteksti i ngjarjeve historike, do të përfshihet shpjegimi dual, me vërejtje të posaçme për narrativën bullgare, aty ku ajo dallon nga narrativa shtetërore e Maqedonisë së Veriut, ose kushtimisht – narrativa maqedonase.
8. Çështja e gjuhës dhe përdorimi i emrit të shkurtër për Maqedoninë e Veriut duhet të zgjidhet sipas asaj që është propozuar nga propozimet e kryesuesve të radhët të BE-së – Gjermanisë, Portugalisë dhe Sllovenisë që jozyrtarisht u morën parasysh si të pranueshme për të dyja palët./Klan Macedonia/
Lufta Prigozhin - Putin
Më shumëNga Rubrika
Demiri: Nuk është e ligjshme që Klinika të mos jetë e siguruar, menaxhmenti duhet të marrë përgjegjësi për këtë
Osmani për fjalimin e Vuçiqit në KS të OKB-së: Ai ka bërë një sërë deklaratash pos traumatike
Nis gjykimi ndaj Ramiz Merkos për blerjen e veturës luksoze, anulohet seanca e parë
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Përshkallëzohet sërish protesta e opozitës, hidhet molotov në derën e Bashkisë
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
QKUK-ja bëhet me skanerin PET/CT, donacion nga organizata "Alwaleed Philanthropies Global" në bashkëpunim me Fondacionin “Jahjaga”
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre