PSG i ka ofruar pagën më të lartë në klub Mbappes për të rinovuar kontratën, por francezi e ka refuzuar – ai ka në mendje Real Madridin

Paris Saint-Germain janë të gatshëm të punojnë për të rinovuar kontratën e Kylian Mbappe , pasi marrëveshja e tij aktuale me klubin do të përfundojë verën e ardhshme, por francezi duket se nuk është i interesuar që të qëndrojë në Francë.

Francezi thuhet se ka refuzuar një ofertë tjetër për zgjatjen e kontratës, pasi ai do gjigantët e La Ligas, Real Madridin.

Sipas Le Parisien, PSG i ofroi Mbappe një pagë prej 45 milionë eurosh neto në sezon për të rinovuar marrëveshjen e tij aktuale, por 22-vjeçari e refuzoi atë.

Ndërkohë, siç thekson L’Equipe, PSG nuk janë të gatshëm të dorëzohen dhe ata do të kthehen edhe me një ofertë të re për të mbajtur yllin e tyre.

Një marrëveshje dyvjeçare

Oferta e dytë për rinovimin e PSG -së ishte ajo që do ta lidhte Mbappen me një marrëveshje të re dy -vjeçare me vlerë 45 milionë euro neto në sezon – pagë që do të ishte më e lartë se pagat që Neymar dhe Lionel Messi fitojnë në klub.

Siç u raportua në atë kohë, oferta e parë e rinovimit kishte një me vlerë prej 25 milionë euro neto në sezon, por edhe ajo ishte refuzuar nga Mbappe.

Le Parisien parashikon që PSG do t’i ofrojë një bonus të madh Mbappes, ndërsa gjithmonë sipas kësaj gazete klube të tjera elitare si Manchester City dhe Chelsea do të tentojnë ta marrin që në janar.

Gazeta franceze është e bindur se ëndrra e Mbappe është të luajë për Real Madridin dhe parashikojnë se asnjë ofertë nuk do ta bëjë të ndryshojë mendje. /Telegrafi/