PSG fiton spektaklin ndaj yjeve të klubeve saudite – nëntë gola, Ronaldo shkëlqen

Ndeshja miqësore mes PSG-së dhe yjeve të klubeve saudite Al Hilal dhe Al Nassr doli të jetë spektakolare, ku në fund u mbyll me rezultat 5-4.

Ndeshja nisi me gol, kur Lionel Messi gjeti rrjetën që në minutën e tretë të takimit pas asistimit të Neymar.

Goal by #Messi𓃵 #GOAT𓃵 #messivsronaldo #Paris #AlNassr pic.twitter.com/tMCClxJn6Z

— 🇦 🇰 🇮 🇧 (@sk_arel) January 19, 2023

Shifrat u barazuan në minutën e 33-të, ku Cristiano Ronaldo u ndalua në mënyrë të palejuar nga Keylor Navas për të fituar penallti.

Nga pika e bardhë ishte portugezi që me lehtësi shënoi për 1-1.

What a wonderful goal @Cristiano
HT: Al Nassr 2:2 PSG #Ronaldo #CR7𓃵 #PENALTY #AlNassrvsPsg #Siuuuuu pic.twitter.com/waJY4QuKKs

— #GlobalSports (@alexanyankwaa) January 19, 2023

Në minutën e 39-të ishte Juan Bernat që u ndëshkua me karton të kuq pas një ndërhyrje të palejuar.

Por PSG kaloi në epërsi sërish me Marquinhos në minutën e 43-të pas asistimit të Kylian Mbappe.

Por Ronado nuk u ndal dhe shënoi sërish në minutën e gjashtë të kohës shtesë të pjesës së parë për të barazuar shifrat në 2-2.

Cristiano Ronaldo Got the second goal for his Team #GOAT𓃵 pic.twitter.com/jQA8SaC1mS

— Kobby Darlington (@KobbyDarlingt20) January 19, 2023

Spektakli i golave vazhdoi edhe në pjesën e dytë.

Sergio Ramos ishte i pari që realizoi për 3-2 në gjysmën e dytë duke rikthyer epërsinë e klubit francez, pas asistimit nga Kylian Mbappe (53’).

Mirëpo, nuk zgjati shumë dhe vendasit e barazuan sërish rezultatin në 3-3 me golin e Hyun-Soo Jang (56’).

Një penallti tjetër u akordua në favor të PSG-së në vijim të lojës dhe përgjegjësin e mori Kylian Mbappe për ta rikthyer avantazhin e kampionit francez (60’) për 4-3.

Hugo Ekitike shënoi një gol të bukur duke marr topin nga afër gjysma e fushës për të vazhduar me vrap dhe për të shënuar për 5-3.

Deri në fund nuk kishte më gola, por në kohën shtesë Talisca shënoi për rezultatin përfundimtar 5-4.  /Telegrafi/