PSG duan gjyqtar me personalitet dhe përvojë kundër Real Madridit

Në Paris nuk ka shqetësim vetëm se si do ta përgatisë skuadrën Unai Emery, por edhe se kush do të jetë gjyqtarë në përballje me Real Madridin.

Liderët e Ligue 1, pas humbjes së fundit në Ligën e Kampionëve ku gjyqtar ishte Deniz Aytekin, tani kanë bërë sytë katër për ta kuptuar gjyqtarin e radhës.

Edhe për kundër asaj humbje, klubi kishte pranuar pjesën e fajit, ku ra mbi lojtarët dhe trajnerin Emery, por kishin dyshime të mëdha edhe në gjykim e asaj ndeshje.

Sipas PSG, gjyqtari gjerman ka bërë një seri gabimesh të rënda natën e fitores së madhe të Barcelonës.

Francezët kërkojnë të respektohen sikurse që respektohen klubet e tjera të mëdha dhe historike në të gjithë kontinentin.

Prandaj, PSG po mbajnë veshtë katër kah UEFA për ta kuptuar gjyqtarin që do të përzgjidhet, edhe për ndeshjen në Santiago Bernabeu dhe Parkun e princave.

Sapo të mësohet gjyqtari, atëherë klubi i Ligue 1 do ta thotë fjalën e vet, pasi kërkojnë gjyqtar me personalitet dhe përvojë, për të mos u përsëritur gabimi i Aytekin.

Emërimi i këtij të fundit ishte një befasi e madhe dhe pas asaj që ndodhi, ai u dënua me mos gjykim deri në shtator të atij viti në garat e UEFA-s.

Kërkesa e PSG-së për një gjyqtar të madh është në selinë e UEFA-s. /Telegrafi/