Partia Socialdemokrate ka thënë se Samiti që mblodhi krerët e shteteve të rajonit bashkë me kancelaren Angela Merkel dhe presidentin Emmanuel Macron, ishte dëshmi e një intensifikimi të ri të përpjekjeve të vendeve kryesore të BE-së për dialogun mes Kosovës dhe Serbisë
Përmes një njoftimi për media PSD, ka theksuar se mirëpret këtë angazhim dhe vullnet të vendeve mike të Kosovës.
“Ky përqendrim i shikimit kah rajoni dhe marrëdhënia mes Kosovës dhe Serbisë paraqet një momentum të rëndësishëm në këtë proces, drejt përmbylljes së plotë të dialogut të stërzgjatur Kosovë Serbi me një marrëveshje gjithëpërfshirëse. Për ne, siç është përcaktuar edhe në Platformën shtetërore të Republikës së Kosovës, marrëveshja obligativisht duhet ta përmbajë njohjen nga Serbia, si parakusht i çfarëdo normalizimi të marrëdhënieve. Njohja duhet të jetë eksplicite dhe formale, duke garantuar pacenueshmërinë e kushtetutshmërisë, sovranitetit, dhe integritetit territorial të Republikës së Kosovës”, thuhet në njoftimin për media.
Njoftimi i plotë:
Samiti që mblodhi krerët e shteteve të rajonit bashkë me Bundeskancelaren znj. Angela Merkel, dhe Presidentin e Francës z. Emmanuel Macron (Samiti i Berlinit), ishte dëshmi e një intensifikimi të ri të përpjekjeve të vendeve kryesore të BE-së për dialogun mes Kosovës dhe Serbisë. Pavarësisht mungesës së rezultateve, ky Samit e dëshmoi një gjë: për Berlinin dhe Parisin (sikur edhe për Ëashingtonin gjë kjo e dëshmuar më herët) arritja e marrëveshjes mes Kosovës dhe Serbisë është prioritet rajonal.
PSD mirëpret këtë angazhim dhe vullnet të vendeve mike të Kosovës. Ky përqendrim i shikimit kah rajoni dhe marrëdhënia mes Kosovës dhe Serbisë paraqet një momentum të rëndësishëm në këtë proces, drejt përmbylljes së plotë të dialogut të stërzgjatur Kosovë Serbi me një marrëveshje gjithëpërfshirëse.
Për ne, siç është përcaktuar edhe në Platformën shtetërore të Republikës së Kosovës, marrëveshja obligativisht duhet ta përmbajë njohjen nga Serbia, si parakusht i çfarëdo normalizimi të marrëdhënieve. Njohja duhet të jetë eksplicite dhe formale, duke garantuar pacenueshmërinë e kushtetutshmërisë, sovranitetit, dhe integritetit territorial të Republikës së Kosovës. Çfarëdo aranzhimi që bie ndesh me këto parime bazë e thellojnë tutje etnizimin e politikës në Republikën e Kosovës duke e cenuar parimin e barazisë së qytetarëve dhe funksionalitetin e Republikës në funksion të mirëqenies së qytetarëve.
Nuk mund të ketë marrëveshje tjetër e cila nuk e përmban këtë dispozitë meqë çkado tjetër poshtë njohjes, siç është dëshmuar edhe në këtë proces të stërzgjatur, është më shumë spostim i problemit se sa zgjidhje e tij. Njohja eksplicite dhe formale e shtetësisë së Republikës së Kosovës i hap rrugë zgjidhjes së shumë çështjeve tjera që Kuvendi i Republikës së Kosovës i ka identifikuar si çështje të hapura mes Kosovës e Serbisë.
Në këtë drejtim me deklarimet e mëhershme të përfaqësuesve të vendeve me ndikim në rajon (ShBA, BE, etj.) paraqesin hapa të rëndësishëm para drejt formatizimit të dialogut ashtu siç e kërkon Platforma shtetërore, si Dialog për Normalizim përmes Njohjes. Kthim nga kjo pikë nuk mund të ketë.
Uniteti i brendshëm i forcave politike në këtë drejtim është jetik për të ardhmen e Republikës. Kushdo që e përfaqëson Republikën e Kosovës, dhe nuk i përmbahet parimeve udhërëfyese të Platformës shtetërore, e dëmton mundësinë e koncensualitetit politik e shoqëror për Dialogun, dhe (edhe) kështu dëmton interesin e Republikës së Kosovës.
PSD ka përkrahur dhe është bërë pjesë e Delegacionit shtetëror duke e parë këtë si mënyrën e vetme të konsolidimit të qëndrimit shtetëror për Dialogun, parimet udhërrëfyese për të, dhe synimet e Kosovës nga ai. Duke e parë situatën konkrete në të cilën gjendej Kosova, me një çakordim të madh në mes të qëndrimeve politike të krerëve institucional e partive politike, ne kemi insistuar që Dialogu t’i bartet Kuvendit (Delegacionit të mandatuar nga Kuvendi) në mënyrë që të gjitha partitë politike, si dhe anëtarë nga shoqëria civile ta kenë vendin dhe zërin e tyre në këtë proces kaq të rëndësishëm për vendin. Ikja nga këto parimet të dakorduara në Rezolutë e të materializuara në Ligjin për Delegacionin shtetëror e Platformën shtetërore për dialog, e kthen dialogun në një proces jotransparent, jo demokratik, të personalizuar, e rrjedhimisht të dëmshëm për vendin.
Promo
Reklamo këtuLufta Prigozhin - Putin
Më shumëKurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Trajnimi i ushtarëve ukrainas, ambasadori Kapiti: Krenarë me përkushtimin e FSK-së
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi