Protesta gjithë-popullore e 24 prillit në Prishtinë
Kur ishim fëmijë, në rrugën Xhon Kenedi në pjesën veriore të Mitrovicës, një nga gangsterët e mëhallës, kur donte ta grushtonte dikë, fillimisht i linte në dorë kapelën e tij duke i thënë “ma mbaj pak se kam një hall”. Kur tjetri pa të keq kurthohej i habitur me kapelën e tij, ai mëshonte grushte dhe e hidhte për tokë.
Kjo për fëmijët e lagjes paraqiste atraksion, derisa njëri nga viktimat e radhës u gjet më mirë: sapo ky gangsteri i zgjati kapelën për mbajtje, ky ia futi grusht hundëve gangsterit.
Këtë sjellje të gangsterit të mëhallës po më përkujton sjellja e fundit e Serbisë.
Serbia kërkoi mirëkuptim nga Uashingtoni e Brukseli që derisa të kryhen zgjedhjet në Serbi të mos e ngacmojnë në Kosovë e me Kosovën. Perëndimi tregoi menjëherë mirëkuptim dhe me këtë edhe lidershipi kosovar u instruktua konform këtij vendimi.
Por, çfarë në të vërtetë ndodhi?
Serbia le që la mënjanë marrëveshjet me Prishtinën në Bruksel si të paqena, por filloi të shkrepë grushtet jo vetëm në veri të Kosovës po edhe në Maqedoni. Akti terrorist mbi familjen e Selver Haradinajt trembi dhe detyroi në shpërngulje banorët jo-serbë në veri të Kosovës, ndërsa me vrasjen e pesëfishtë në Maqedoni tronditi themelet e shtetit tjetër satelit të Perëndimit – Republikës së Maqedonisë.
Për më tepër, Kryeministri i Kosovës pasi njëherë e kualifikoi këtë si akt terrorist, kthehet më vonë në kualifikimin si akt kriminal dhe thotë se nuk është mirë të akuzojmë pa përfunduar hetimet.
Për të qenë ironia në kulm, Kryeministri i Kosovës bënë paralelizëm mes aktit terrorist në Mitrovicë dhe thotë se nuk duhet akuzuar Beogradi derisa nuk përfundojnë hetimet, pasi as krerët maqedonë nuk po akuzojnë shqiptarët pa u kryer hetimet. Kryeministri i Kosovës po harron se të dyja këto krime (edhe akti terrorist në Mitrovicë edhe vrasja e pesëfishtë në Maqedoni) janë zier në të njëjtën kuzhinë, në atë të Beogradit. Përpjekja e kryeministrit për të relativizuar këtë veprimtari kriminale të agjencive inteligjente të Serbisë mund të kuptohet vetëm si falënderim i tij ndaj Beogradit, pasi një ditë më parë Beogradi e tërhoqi aktakuzën ndaj tij.
Përgjigja më e mirë që Kosova mund të japë në këtë situatë është protesta gjithë-popullore e 24 prillit në Prishtinë, organizuar nga shoqëria civile e Kosovës me titull: Stop terrorizmit.
Sa më e madhe të jetë protesta aq më fakt tregues i fortë do të jetë se Kosova nuk prodhon terrorizëm. Se ajo që prodhon terror në Ballkan është Serbia dhe se bota duhet t’i thotë stop këtij terrorizmi ashtu siç i thonë kosovarët.
Në fakt, protesta që do të jetë pa fjalime, pa flamuj dhe pa parulla tjera, nuk i adresohet me emër Beogradit, por ajo vetëkuptohet. Një parullë kaq universale është e kuptueshme për tërë botën. Bota sa e kupton aq edhe nuk e kupton natyrën e konfliktit Kosovë-Serbi, sikurse ne që nuk e kuptojmë natyrën konfliktit në Ruandë. Ajo çfarë ne dëshirojmë është që të mos shohim terror në Ruandë, që të mos shohim skena rrëqethëse. Nuk na intereson se X-qyteti i Ruandës i takon hutuve apo tutsive.
Botës mund të mos i interesojë se kujt i përket Mitrovica – Kosovës apo Serbisë – por bota indinjohet kur sheh skena si ajo në banesën e Selver Hardinajt.
Gjithsesi botës i intereson nëse terrorizmi buron në Kosovë apo po e godet Kosovën.
Kur bota sheh skena të tilla tmerruese dhe sheh se nuk po protestohet në Kosovë, ajo do të mendojë se është një diçka e zakonshme për kodin tonë moral, për mënyrën tonë të jetesës. Pra, e sheh se ne po prodhojmë terrorizmin.
Por, nëse bota sheh se gjithë Kosova çohet në këmbë kundër një akti të tillë, atëherë ajo e gjykon Serbinë për këtë, sepse e sheh civilizimin tek ne e barbarinë tek Serbia dhe jo anasjelltas.
Prandaj, është në interesin e forcave politike të Kosovës ta përkrahin këtë protestë. Ato as nuk fitojnë as nuk humbin aty për aty nga kjo protestë sa i përket garës së tyre për pushtet, por duke qenë kjo një fitore për Kosovën, bëhen hisedarë të saj dhe herë do kurdo e kapitalizojnë këtë.
Lufta Prigozhin - Putin
Më shumëMbyllet grupi "Albkings", shtatë të arrestuar deri më tani
Rasti "Albkings", krijuesi i grupit dhe një femër në mesin e shtatë të arrestuarve
Flick i gatshëm ta shesë Pedrin madje gjen edhe zëvendësuesin e tij
Kush është avokati serb, mik i Ana Brnabiqit që i kreu shërbime Radoiçiqit - Veselinoviqit dhe biznesmenëve nga Rusia?
Messi shënoi një supergol nga distanca, i ngjashëm me një nga golat e tij më të mëdha ndonjëherë
Dita Ndërkombëtare e Përkujtimit të Vuçiqit në Nju-Jork
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Publikohen pamjet kur avokati Sokol Mëngjesi goditet me dorezë hekuri
Inteligjenca Artificiale parashikon çdo fitues të Topit të Artë deri në vitin 2038
Metoda ushtarake që ju mëson të bini në gjumë brenda pak minutave
Hummels shpërthen keq ndaj trajnerit të Dortmundit para finales me Real Madridin
Shkencëtarët besojnë se egjiptianët u përpoqën të shëronin kancerin 4000 vjet më parë
Kyle Walker shpjegon pse futbollistët mbulojnë gojën ndërsa flasin mes vete