Prostitucioni “elitar” në Bosnje dhe Hercegovinë dhe rajon po lulëzon dhe po përfiton para të mëdha. Dhe, më interesant, ekziston një prostitucion i përhapur edhe mashkullor.

Kështu, së paku shkruan mediumi boshnjak, avaz.ba, sipas të cilit medium, në internet, shumë faqe janë të dizajnuara për këtë shkallë botërore të biznesit.

“Mund të shkojmë menjëherë në shtrat dhe të qëndrojmë atje deri në mëngjes. Unë mund të marr edhe një shoqe, e gjithë kjo së bashku do të kushtojë 400 euro”, citohet të ketë thënë një nga vajzat e kontaktuara me një profil nën emrin Emanuela.

Po sipas mediumit në fjalë, përcjell Telegrafi, çmimet variojnë që nga 100 euro për një “shërbim klasik”, ndërsa “shoqërimi gjithëditor” kushton 1,500 euro.

Megjithatë, një përdoruese e rrjeteve sociale e cila ka rreth 100 mijë ndjekës ka thënë se merr oferta për seks në baza ditore.

Ajo thotë se ajo nuk është e interesuar vetëm për seks.

“Burrat mendojnë se mund të blejnë gjithçka me para. Ju nuk mund të blini një grua, ju duhet të fitoni një grua…”, ka thënë ajo.

Ajo ka zbuluar se kishte një ofertë deri në 1500 euro për një natë.

“Dy ditë më parë, mora një mesazh në të cilin një nga ndjekësit e mi më pyeti nëse isha kurvë. Pse? Sepse kam fotot në një kostum banje? Sepse kam bërë një foto në shtrat? Çdo gjë ishte e tepruar dhe humbi kuptimin”. /Telegrafi/