Pritet kufizime të reja të shpejtësisë në disa vende evropiane

Organizata joqeveritare Këshilli Evropian i Sigurisë Rrugore (i mbështetur nga Komisioni Evropian dhe Parlamenti Evropian) po i bën thirrje BE-së të ndalojë shpejtësinë mbi 30 km/h në zonat urbane ku drejtuesit e mjeteve ndajnë rrugën me çiklistët.

Qëllimi i propozimit është përmirësimi i sigurisë rrugore dhe zvogëlimi i numrit të aksidenteve në zonat me popullsi të dendur.

Kufijtë e reduktuar të shpejtësisë mund të çojnë gjithashtu në rrjedhë më të madhe të trafikut. ETSC rekomandon uljen e shpejtësisë bazë për automjetet elektrike në 20 km/h dhe për mjetet e tjera motorike në 30 km/h.

Në të njëjtën kohë, ETSC propozon ngritjen e kufirit të moshës për përdorimin e skuterëve elektrike në 16 vjeç.

Për kufijtë e propozuar të shpejtësisë, studiuesit George Yannis dhe Eva Michelaraki nga ETSC shkruajnë “Edhe pse ekziston një mit që një kufizim i shpejtësisë prej 30 km/h do të çonte në rritje të bllokimit të trafikut dhe rritje të kostove, kjo nuk mbështetet nga kërkimet”.

Ata i referohen, ndër të tjera, përvojave nga Zvicra, ku shpejtësitë më të ulëta kanë sjellë më pak mbingarkesë dhe kohë më të shkurtër udhëtimi.

Uellsi prezantoi gjithashtu një kufi shpejtësie më të ulët prej 20 mph (rreth 32 km/h) si standard në të gjitha zonat urbane, gjë që çoi në më pak aksidente dhe një reduktim prej 20 për qind të lëndimeve.

Iniciativa të ngjashme ekzistojnë tashmë në disa vende të BE-së.

Danimarka, për shembull, ka një kufi shpejtësie prej 20 km/h për automjetet elektrike, ndërsa Austria ka miratuar një ligj që u jep qyteteve mundësinë formale për të ulur shpejtësinë në 30 km/h.

ETSC dëshiron që të gjitha vendet e BE-së të zbatojnë ndalime të ngjashme. Përveç kësaj, ETSC thekson kërkesat e shtuara të sigurisë për automjetet elektrike, duke përfshirë performancën më të mirë të frenimit, përshpejtimin e kufizuar. /Telegrafi/