0Shares

Rreth 150 skiatorë duhej të shpëtoheshin nga një teleferik në Austri, pas prishjes së tij, shkruajnë mediat e huaja, përcjell Telegrafi.

Sipas mediave të huaja, pasagjerët e bllokuar ishin mbërthyer në teleferik në malet rreth Kreischberg për disa orë para se të shpëtoheshin nga helikopterët.

Siç thuhet më tej, teleferiku pësoi probleme teknike më parë dhe autoritetet vendosën se do të duhej shumë kohë për ta riparuar – kështu ata vendosën të evakuojnë skiatorët.

Policia lokale tha se të gjithë pasagjerët u shpëtuan në mënyrë të sigurt nga teleferiku dhe për fat të mirë asnjëri prej tyre nuk pati lëndime. /Telegrafi/

Të Ngjajshme
Shfaq Komentet (0)