Princi i Kurorës së Arabisë Saudite, Mohammed Bin Salman, po përgatitet të bëjë një ofertë ambicioze prej 10 miliardë eurosh për të blerë klubin e futbollit Barcelona, sipas raportimeve të El Chiringuito TV.
Sipas burimeve, princi beson se me një borxh prej 2.5 miliardë eurosh, Barcelona mund të jetë e gatshme të konsiderojë një shitje si një paketë shpëtimi financiar.
Megjithatë, ekspertët paralajmërojnë se edhe një ofertë astronomike prej 10 miliardë eurosh nuk do të jetë e mjaftueshme për të bindur klubin.
Barcelona nuk është pronë private, por një klub në pronësi të shoqatave dhe anëtarëve të saj, të cilët nuk do të lejonin kurrë që klubi të blihej nga një entitet i huaj.
Klube si Barcelona dhe Real Madridi funksionojnë sipas një modeli unik pronësie, ku vendimet strategjike nuk mund të kalojnë te individë apo familje të huaja.
Joan Laporta telegrafi.com
Pra, megjithëse sauditët mund të investojnë në klub dhe të bëjnë oferta prestigjioze, shanset që të zotërojnë Barcelonën mbeten minimale. /Telegrafi/
