Praktikisht, një qytet i tërë u rimodelua në mënyrë që Dolce&Gabbana të prezantonte koleksionin Haute Couture

400 klientë të shtëpisë së modës me bazë në Milano udhëtuan drejt Siçilisë, prej kohësh një burim frymëzimi për Dolce & Gabbana

Kjo është hera e tretë që dizajnerët e famshëm zgjedhin Siçilinë për të prezantuar një koleksion të tillë, pas prezantimit në Taormina (2012) dhe atij në Palermo (2017).

Në Palma di Montechiaro, Agrigento, Siçili – vend i cili u zgjodh për shkak të vendlindjes së Giuseppe Tomasi Di Lampedusa, shkrimtarit të “The Leopard” – u prezantua koleksioni i bizhuve të çmuara me gurë diamanti, rubini, ari, argjendi dhe jo vetëm.

Të shumtë qenë banorët që hodhën petale trëndafili nga ballkonet, ndërkohë që vizitorët shijonin magjinë e modës së lartë dhe punimet ekskluzive të D&G, të përbëra nga gurët më të çmuar dhe më të shtrenjtë, të punuar me dorë përmes teknikave të veçanta.

Dolce & Gabbana Haute Couture u prezantua për herë të parë më 5 korrik dhe do të vazhdojë sot dhe dy ditët e ardhshme.

/Telegrafi/