Presidenti i Ukrainës me mesazh emocionues për Usyk, pas fitores ndaj Joshuas

Presidenti i Ukrainës përshëndeti fitoren ‘të rëndësishme’ dhe ‘të nevojshme’ të Oleksandr Usyk me vendim të ndarë ndaj Anthony Joshuas.

Ukrainasi ruajti titujt e tij të botës në peshën e rëndë ndaj britanikut të shtunën në një revansh në Arabinë Saudite në një luftë më të fortë se vitin e kaluar.

Të dy luftëtarët mbajtën flamurin e Ukrainës ndërsa rezultatet e gjyqtarëve u lexuan në arenën “King Abdullah Sport City” në Jeddah. Kur u shpall fitues, Usyk që shpërtheu në lot, e mbuloi fytyrën me flamur.

Lexo po ashtu Joshuas i doli punë edhe me tifozë - ekipi i tij e ndaloi nga një veprim i nxituar

Presidenti Volodymyr Zelensky më të përfunduar dueli uroi bashkëkombësin e tij. Ai shkroi në Twitter: “Fitorja e vështirë, por kaq e rëndësishme dhe e nevojshme!”.

“Mbrojtja e titullit të kampionit të botës është një simbol që të gjithë ata që janë të llojit kozak (persona të lirë) nuk do të heqin dorë nga të tyret, do të luftojnë për të dhe do të fitojnë patjetër!”.

35-vjeçari mbajti rripat e tij WBA, WBO dhe IBF gjashtë muaj pasi shërbeu në ushtrinë ukrainase si pjesë e mbrojtjes së vendit kundër pushtimit rus. /Telegrafi/