Presidenti i klubit të Feronikelit, Naser Ramaj, ka folur pas shpalljes kampion për herë të tretë në histori të klubit.
Ky është trofeu i parë për Ramajn, që po ashtu e ka ka zbuluar buxhetin që e ka dërguar klubin drejt titullit kampion.
‘Nikli’ në ndeshjen finale të sezonit e mundi Prishtinën, për ta fituar titullin e tretë në histori të klubit.
E për këtë sukses, presidenti i klubit, Naser Ramaj tha se është i kënaqur dhe zbuloi shifrat e buxhetit si dhe premia që morën lojtarët.
“Sigurisht se jemi të kënaqur, sukseset nuk kanë munguar përgjithësisht te i gjithë klubi, mendoj se ekipi e ka merituar, kemi pasur ekip shumë më të mirë këtë sezon”.
“Planifikojmë që do të ketë përmirësime për kualifikime, por ekipin bazë veç e kemi të kompletuar”.
“Janë diku 1 milion e gjysmë (euro) buxhet për klubin. Premia për këtë ndeshje e kapi shifrën diku rreth 200 mijë euro”, ka thënë Ramaj pas ndeshjes me Prishtinën. /Telegrafi/
