Presidenti i Benficas konfirmon se Enzo Fernandez mund të largohet nëse paguhet klauzola e lirimit

Presidenti i Benficas, Rui Costa thënë se klubi do ta lërë të largohet në janar mesfushorin e lidhur me Chelsean, Enzo Fernandez, nëse klauzola e tij e lirimit prej 120 milionë euro plotësohet.

Ndërsa thashethemet e transferimeve vazhdojnë të nxehen përpara hapjes së afatit kalimtar të janarit, spekulimet vazhdojnë të rrethojnë Fernandez pas përfundimit të Kupës së Botës me Argjentinën.

Liverpool dhe Manchester United janë lidhur me një lëvizje, por Chelsea duket se po e ndjek më fort mesfushorin, me raportet që dalin se ata janë të gatshëm të ofrojnë 120 milionë euro për ta nënshkruar atë.

Presidenti i Benficas, Rui Costa tani ka folur për mundësinë e një shitjeje në janar.

“Ne nuk duam të heqim dorë nga Enzo Fernandez në janar, por jemi të gatshëm ta kënaqim djalin në rast të një oferte prej 120 milionë eurosh”, ka thënë Costa për DAZN.

Ndryshe, Fernandez u kurorëzua lojtari më i mirë i ri në Kupën e Botës, ndërsa La Albiceleste shkoi deri në fund dhe fitoi turneun. /Telegrafi/