Ferdinand Alexander Porsche është një legjendë e markës.
I njohur më së miri si babai i 911, ai solli në jetë edhe ikona si 904 Carrera GTS dhe 804 e Formula 1.
Dje, ai do të mbushte 90 vjeç - dhe për të shënuar këtë rast, Porsche zbuloi një edicion shumë të veçantë.
Njihuni me 911 GT3 FA Porsche, të frymëzuar nga G-Body 911 që Ferdinand e drejtoi gjatë viteve 1980.
Ajo vesh një ngjyrë metalike FA Green të personalizuar, një version modern i ngjyrës metalike Oak Green të veturës së tij origjinale.
Brenda, kabina e personalizuar është zbukuruar me një pëlhurë unike të quajtur FA Grid-Weave - një interpretim i freskët i ngjyrës klasike houndstooth - dhe madje ka edhe një dorezë marshi prej druri.
Ky GT3 është gjithashtu modeli i parë dhe i vetëm që mban rrotat elegante Sport Classic të Porsche.
Porsche do të ndërtojë vetëm 90 ekzemplarë, secila me çmim 387,000 dollarë.
Një nga ato vetura do t'i shkojë djalit të Ferdinandit, Mark Porsche, i cili ndihmoi në drejtimin e projektit nga fillimi deri në fund.
"Jam i sigurt se babai im do ta kishte dashur këtë 911 shumë të veçantë", tha ai.
"Shumë detaje të këtij projekti emocionues u ndikuan nga shija e tij personale", shtoi Mark. /Telegrafi/
