Politikani serb Bogdanoviq thotë se u intervistua nga BIA për shkak të mbështetjes së tij ndaj Kosovës

Kryetari i Lëvizjes Qytetare “Odgovor”, Boban Bogdanoviq ka njoftuar se ka përfunduar intervistimi i tij nga Agjencia Informative e Sigurisë së Serbisë (BIA).

Ai në një postim në Twitter ka treguar se tema e intervistimit ka qenë mbështetja e tij për Kosovën në rrugën drejt integrimeve euroatlantike.

“Sapo ka përfunduar intervista informative në BIA. Tema e bisedës ishte mbështetja ime ndaj Kosovës në rrugën drejt integrimeve euroatlantike, pajtimit për bashkëjetesën e serbëve dhe shqiptarëve në Kosovë”, ka shkruar Bogdanoviq.

Lexo po ashtu Politikani serb Bogdanoviq: Më ofruan poste që të mos e kritikoj Listën Serbe dhe Vuçiqin, por nderi im nuk ka çmim

Politikani serb më tej shkruan se supozon që mund të arrestohet në Serbi nëse vazhdon me politikën e paqes ndërmjet Kosovëd dhe Serbisë.

“Unë supozoj se do të arrestohem në Serbi nëse vazhdoj me politikën e paqes ndërmjet Kosovës dhe Serbisë, dhe duke avokuar për integrimin e tyre euroatlantik dhe anëtarësimin në NATO. Më është paraqitur se aktivitetet e mia janë në kundërshtim me Kushtetutën e Sebisë, ndërkaq unë u përgjigja se nuk po shkel Kushtetutën e Kosovës”, ka shkruar Bogdanoviq. /Telegrafi/

The informational interview at the BIA has just ended.
The officials were correct.
The topic of conversation was my support 🇽🇰 on the way to Euro-Atlantic integration, reconciliation on the coexistence of Serbs and Albanians on 🇽🇰.
I

— Boban Bogdanović (@GenSecRespond) June 12, 2023