Politikani britanik kishte vënë bast për veten se do të humbte zgjedhjet, përjashtohet nga partia

Një kandidat i partisë Laburiste në Britani të Madhe është përjashtuar nga partia pasi ka vënë bast kundër vetes – ku Komisioni i Lojërave të Fatit ka nisur një hetim ndaj tij.

Kevin Craig po kandidonte për t’u bërë deputet për Central Suffolk dhe North Ipswich – një vend i sigurt konservator i mbajtur më parë nga Dan Poulter, i cili u largua nga laburistët përpara zgjedhjeve dhe nuk kandidon më.

Sky News kupton se basti lidhej me rezultatin e votimit në zonën e tij elektorale – dhe kandidati në fakt kishte vënë bast se do ta humbiste garën, transmeton Telegrafi.

Laburistët konfirmuan se Kevin Craig është përjashtuar nga partia – megjithëse në këtë fazë të vonë, ai do të shfaqet ende në fletën e votimit.

Duke postuar në X, Craig tha se kishte “shijuar bastin e çuditshëm për argëtim” gjatë gjithë jetës së tij.

“Disa javë më parë, kur mendova se nuk do ta fitoja kurrë këtë vend, vura një bast për konservatorët për të fituar këtu me qëllimin për dhënien e ndonjë fitimi për bamirësitë lokale”, shtoi ai. /Telegrafi/