Policia jep detaje për personin që tentoi të hidhej nga objekti i Komunës së Mitrovicës

Një person sot rreth orës 13:00, kishte tentuar të hidhej nga ndërtesa e objektit të Komunës së Mitrovicës.

Sipas një njoftimi nga Policia  e Kosovës për rajonin e Mitrovicës, thuhet se policia ka reaguar me urgjencë dhe se përmes komunikimit ka arritur ta bind atë që të tërhiqet nga tentimi i tij.

Lexo po ashtu Një person tentoi të hidhej nga çatia e Komunës së Mitrovicës

“Policia në Mitrovicë ka pranuar një thirrje emergjente, për një person i cili po tentonte të hidhej nga ndërtesa e objektit të Komunës së Mitrovicës. Mbi bazën e informacionit është reaguar me urgjencë nga njësi të ndryshme policore dhe me të arritur në vendin e ngjarjes në rrethana të një situate të tillë, me qëllim të parandalimit dhe evitimit të rrezikut, zyrtarët policorë së bashku me disa zyrtarë të komunës, në mënyrë profesionale iu kanë qasur, duke komunikuar dhe duke e bindur personin që të tërhiqej prapa. Falë një komunikimi të bindshëm e profesional është arritur të krijohen rrethana që personi të futet në kontroll”, thuhet në njoftim.

Ndërkaq, sipas policisë personit në fjalë i është ofruar ndihmë mjekësore në Spitalin Rajonal në Mitrovicë, më pas i njëjti është dërguar tretman të mëtejmë mjekësor në QKUK.

“Policia do të vazhdojë me trajtimin e rrethanave dhe shkaqeve që kanë të bëjnë me rasti”, thuhet në njoftim. /Telegrafi/