Pogba është para një dileme të madhe rreth të ardhmes – PSG, Juventus e Real Madridi në ‘luftë’ për francezin

Paris Saint Germain është skuadër më e fundit që është futur në garë për transferimin e Paul Pogbas.

Mesfushori francez po e kërkon largimin nga Manchester United dhe duket se në fund të edicionit do t’i realizohet dëshira.

Djajtë e Kuq janë të gatshëm ta lejojnë largimin e tij, derisa raportohet se duan mbi 90 milionë euro për kartonin e francezit.

Fituesi i Kupës së Botës ka kohë që po kërkohet nga Juventusi, derisa janë ofruar edhe lojtarë si Aaron Ramsey ose Adrien Rabiot për shkëmbim.

Në anën tjetër, Real Madridi po ashtu është i interesuar në transferimin e mesfushorit problematik, pasi Zinedine Zidane beson se mund të mbështetet në cilësitë e tij.

I sapo emëruari te PSG, Mauricio Pochettino thuhet se tani është po ashtu i interesuar në transferimin e Pogbas, por që do të jetë mjaftë e vështirë.

Unitedi do ta vë lojtarin në shitje, mirëpo mbetet të shihet se ku dëshiron të luajë Pogba, në Santiago Bernabeu, në Allianz Stadium apo në Parkun e Princave. /Telegrafi/