Pochettino flet për yjet Neymar e Mbappe, si dhe për thashethemet rreth transferimit të Messit

Trajneri i Paris Saint-Germain, Mauricio Pochettino ka thënë se ai dëshiron të mbajë Neymarin dhe Kylian Mbappen në klub “për shumë vite”, ndërsa ka folur edhe lidhjet me yllin e Barcelonës Lionel Messi.

E ardhmja e dy yjeve të PSG-së ka qenë temë e debatit intensiv muajt e fundit me të dy kontratat e tyre që skadojnë në vitin 2022.

Ndërkohë, Messi është lidhur me një transferim falas në kryeqytetin francez kur kontrata e tij me Barçën skadon në fund të këtij sezoni – megjithëse Pochettino heziton të shtojë spekulimet e ethe.

Lexo po ashtu Al-Khelaifi: Neymar dhe Mbappe nuk kanë asnjë arsye të largohen

“Qëllimi është të mbajmë lojtarët më të mirë. Klubi dëshiron të fitojë Ligën e Kampionëve dhe qëllimi i këtij klubi është të mbajë Neymar dhe Kylian për shumë vite”, ka thënë fillimisht Pochettino për Cadena Ser.

“Për tre muaj kemi pasur një marrëdhënie shumë të mirë. Të dy lojtarët janë shumë të përkushtuar ndaj klubit. Çdo skuadër dëshiron t’i ketë ata në radhët e tyre. Unë jam optimist që ata do të qëndrojnë”.

“Pasi ndava një zhveshtore me Kylian për tre muaj, unë do të luftoj me të gjitha forcat e mia për ta mbajtur atë me ne”.

Lexo po ashtu "Do të ishte e mrekullueshme të luaja me Messin te PSG" - Di Maria beson se bashkëkombësi i tij mund të kalojë në Paris

Pochettino pranon se ai foli me Messin kur u takuan në Ligën e Kampionëve në fillim të këtij viti, por nuk dëshiroi të flas për transferimin e mundshëm këtë verë.

“Ne përshëndetëm njëri-tjetrit dhe biseduam brenda me Jordi Alba, Neymar dhe Rafinha. Ne patëm një diskutim të mirë. Jam i sigurt që së shpejti do të zbulojmë se çfarë po ndodh me Messin”.

“Por nuk më pëlqen të flas për lojtarë që nuk janë në skuadrën time. Ka shumë thashetheme dhe PSG punon çdo vit për të përmirësuar ekipin. Kanë mbetur vetëm pak kohë para se gjithçka të lëvizë”, përfundoi argjentinasi. /Telegrafi/