Edhe pse për shumicën e njerëzve është e qartë se mbinxehja e telefonit nuk është e dëshirueshme, jo të gjithë e dinë se sa problematike mund të jetë realisht.
Ashtu si kompjuterët, telefonat inteligjentë gjithashtu gjenerojnë nxehtësi kur punojnë. Kjo është e pashmangshme, kështu që pajisjet janë krijuar për t’iu përshtatur rritjes së pritshme të temperaturës. Por, çka nëse telefoni nxehet më shumë se sa ishte menduar?
Rritja e temperaturës mund të jetë rezultat i përdorimit intensiv dhe afatgjatë, të tilla si luajtja e lojërave, ose faktorë të jashtëm, si rrezet e diellit direkte ose gabimet e softuerit. Telefonat inteligjentë më modernë do të jenë disi më rezistent, por ata më të vjetër do ta kenë më të vështirë të përballen me probleme të tilla. Nxehtësia mund të shkrijë ngjitësin, të shtrembërojë komponentët dhe të dëmtojë baterinë.
Prodhuesit e kanë kapërcyer këtë problem në mënyra të ndryshme, dhe shumica e telefonave do të fiken nëse nxehen shumë, ose të paktën do të shfaqin një njoftim që ju bën të ditur se telefoni inteligjent është nxehur shumë, shkruan Tom’s Guide. Disa telefona më të fuqishëm, si Samsung Galaxy S23 Ultra, kanë filluar të përdorin teknologjinë e ftohjes me avull.
Kjo teknologji përdor një dhomë të mbushur me avull për të ndihmuar në mbajtjen e telefonit të freskët ndërsa kryen aktivitete më të vështira. Dhoma përmban një lëng që mund të avullojë ose kondensohet pa një kondensator mekanik. Lëngu do të thithë nxehtësinë dhe do ta kthejë atë në avull, më pas do ta zhvendosë në një pjesë më të ftohtë të dhomës. Ajo dhomë është në fakt një tub i hollë rreth një milimetër.
Gjëja më e thjeshtë që mund të bëni është të mos e lini telefonin tuaj në rrezet e diellit direkte nëse është e mundur. Për shembull, nëse e lini në kroskotin e një makine, patjetër që do të krijoni një problem. Nëse luani lojëra në telefonin tuaj, jini në një vend të ajrosur mirë dhe shmangni rrezet e diellit direkte. Së fundi, mbyllni aplikacionet që nuk po përdorni aktualisht, veçanërisht nëse jeni duke shkarkuar diçka.
Megjithatë, çka nëse telefoni juaj ju thoshte se ishte shumë i nxehtë? Hapi i parë është të përcaktoni pse po bëhet kaq nxehtë. Nëse nuk jeni i sigurt, zhvendoseni në hije, nëse është duke u ngarkuar, hiqeni nga karikuesi. Nëse asnjë nga këto nuk ndihmon, mund të jetë një mosfunksionim. Mund të bëni një rivendosje të vështirë, domethënë ta ktheni telefonin në cilësimet e fabrikës. Nëse as kjo nuk ju ndihmon, kontaktoni shërbimin kompetent.
Së fundi, megjithëse mund të duket e zgjuar të vendosni telefonin tuaj në frigorifer, mos e bëni këtë. Ndryshimet e shpejta të temperaturës mund të shkaktojnë keqfunksionime, ndaj është më mirë ta lini telefonin të ftohet vetë. Vendoseni në hije dhe prisni. /Telegrafi/
Promo
Reklamo këtuLufta Prigozhin - Putin
Më shumëMësohet koha kur do të dalë GTA VI
Pesë terma që kurrë nuk duhet të kërkoni në Google
Imazhet e zbuluara të iPhone 16 Pro Max tregojnë se ekrani i madh mund të mos jetë i vetmi ndryshim shqetësues
Çfarë është AI, si funksionon dhe për çfarë mund të përdoret?
12 milionë të shitura në 12 javë: Kjo videolojë theu rekord
Të është vjedhur telefoni, Google ka një zgjidhje për ju për ta gjetur atë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë