Plagoset me armë zjarri një i ri në Shkodër

Një person është plagosur me armë zjarri në orët e mbrëmjes të së shtunës në lagjen “Kiras” të qytetit të Shkodrës, njoftojnë mediat në Shqipëri.

Hermes Beqiri, 20 vjeç banor i lagjes u qëllua me dy plumba ne kraharor, ndërsa qëndronte brenda ambienteve të një lokali.

Hermes Beqiri u qëllua me armë zjarri dhe përfundoi në gjendje kritike për jeten në spitalin rajonal të Shkodrës. Sot në mëngjes ai është transportuar drejt Tiranës.

Tre orë pas ngjarjes policia identifikoi dhe vuri në pranga personin e dyshuar si autor të ngjarjes.

Burime nga policia e Shkodrës bëjnë me dije së është arrestuar, Elvis Hoxha. Ai kishte arritur te fshihej në një banesë në fshatin Grudë, ndërsa vijon puna për dokumentimin e plotë të ngjarjes që çoi në plagosjen e 20-vjeçarit.

Dyshohet se mes tij dhe autorit ka patur një konflikt të mëparshem që kishte përfunduar edhe në perplasje fizike për motive ende te paqarta. Pritet që policia Shkodres të dalë në një komunikim me mediat për rastin në fjalë.

Zyrtarisht policia nuk bën të ditura motivet dhe autorët e sulmit me armë ndaj 20 vjeçarit, por burime thonë se shkak i plagosjes mund të ketë qenë një konflikt i çastit mes të plagosurit dhe autorit që është në kërkim.