Presidenti serb, Aleksandar Vuçiq, vetëm dy ditë pasi kryeministri i Kosovës, Albin Kurti bëri publike lëvizjet e ushtrisë serbe në afërsi të kufirit me Kosovën, ka mbledhur Këshillin e Sigurisë së Serbisë. Emrat që ishin pjesë ishin shqetësues sipas Ministrit të Mbrojtjes së Kosovës, Ejup Maqedonici.
Ushtarët serb u kapën nga kamerat që përdor policia e vendit për të monitoruar kufijtë kryesisht në pjesën veriore të Kosovës. E këto pamje u publikuan nga kryeministri Albin Kurti dy ditë më parë.
Po menjëherë pas publikimit të kësaj video presidenti Serbisë, Aleksandar Vuçiq ka thirrur Këshillin e Sigurisë Kombëtare.
Ministri Mbrojtjes, ish-ushtaraku i Forcës së Sigurisë së Kosovës, Ejup Maqedonci ka përmendur emrat pjesëmarrës në këtë takim që sipas tij janë shqetësues për sigurinë e Kosovës.
“Presidenti i Serbisë Aleksandar Vuçiq ka përdorur si pretekst të thirrjes së kësaj mbledhje, sulmin terrorist në Moskë, por ajo çfarë është shqetësuese në përbërjen e këtij Këshilli, është prezenca e Komandantit të Brigadës 63 të Parashutistëve dhe Brigadës 72 të Operacioneve Speciale, formacione ushtarake këto që dyshohet që kanë realizuar përgatitjen dhe trajnimin e qindra anëtarëve të organizatës terroriste “Mbrojtja Civile/Brigada e Veriut”, e të cilët më pas morën pjesë në sulmin terrorist të 24 shtatorit, në fshatin Banjskë të Zveçanit”, ka thënë Ejup Maqedonci.
Shqetësuese këtë mbledhje në Beograd po e sheh edhe një ish ushtarak tjetër.
Sipas Nuredin Ibishit, Serbia po vazhdon të përforcoj terroristët e Mbrojtjes Civile e Brigadës së veriut.
“Shqetësuese është se në këtë takim ashtu siç edhe më herët kur e ftonte edhe Radoiçiqin dhe tash shfrytëzoj rastin të ftojë edhe komandantin e forcave e brigadave që kanë qenë në lidhje me përgatitjen e pjesëtareve të dy organizatave terroriste të shpallur nga Qeveria e Kosovës, ata kanë marr pjesë është në përgatitje e nëpër poligone, kjo tregon se Serbia vazhdon jo vetëm në aspektin e pranisë të forcave ushtarake afër Kosovës por edhe dy organizatave terroriste më përgatitje nëpër poligone afër kufirit,” u shpreh Nuredin Ibishi.
Ndërkohë që gjithë kjo po shihet si skenar i njëjtë që Rusia ka përdorur për aneksimin e dy rajoneve në Ukrainë.
“Takimet e tilla ku janë protagonist kryesor kjo dëshmon se tanimë që Serbia po përgatit në forma të ndryshme një metodologji ashtu siç e kanë përgatit forcat Ruse në pjesën e Krimesë në Ukrainë. Tashmë një i tillë po bëhet nga Serbia për të pritur një momentum të duhur për ta rimarrë Kosovën”, tha Drizan Shala, ekspert i Sigurisë.
Misioni paqeruajtës, KFOR-i në një përgjigje për Dukagjinin kanë sugjeruar që të dyja shtetet duhet të përmbahen nga veprimet tensionuese dhe të angazhohen në dialog. KFOR po ashtu ka ritheksuar se për momentin situata është e qetë, por mbetet e brishtë./RTV Dukagjini/
Lufta Prigozhin - Putin
Më shumëNga Rubrika
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
A po e kushtëzon Sllovenia Kosovën me Asociacion për t’u bërë pjesë e Këshillit të Evropës – flet presidentja Pirc Musar
Një shtetas nga Serbia është mashtruar në Shkup, i kanë marrë 300 euro për një aksident të rremë
Çfarë përfiton ekonomia e Kosovës me regjistrimin e popullsisë
Parlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Arrestohet një serb në Bërnjak, dyshohet se ka kryer krime lufte në Gjakovë
Mesiq: Vuçiq si Millosheviqi, por “Serbia e Madhe” nuk do të bëhet
Italiania e dashuruar me Sarandën: Sa erdha thashë do të jetoj këtu, tani kam biznes
Rama: Problemit të mbeturinave në kryeqytet i erdhi fundi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë