Piloti i Delta padit kompaninë ajrore për 1 miliard dollarë, e akuzon se i vodhi idenë për një aplikacion që ai zhvilloi

Një pilot i Delta Air Lines ka thënë se do ta padisë kompaninë me 1 miliard dollarë, duke thënë se ajo vodhi idenë për një aplikacion që ai do të kishte zhvilluar dhe për të cilin i ishte drejtuar asaj.

Kështu, sipas mediave të huaja, përcjell Telegrafi, Craig Alexander paraqiti të hënën padinë kundër Delta në një gjykatë në Georgia.

Ai tha se vendosi 100,000 dollarë nga paratë e tij për zhvillimin e një aplikacioni komunikimi të quajtur QrewLive për ekipet e Delta, sipas Bloomberg.

Alexander vendosi aplikacionin në Delta në 2015 dhe mori reagime pozitive në diskutimet me kompaninë ajrore, citohet të ketë thënë ai, sipas Bloomberg.

Por Delta refuzoi idenë e tij dhe nisi një aplikacion tjetër në 2018 të quajtur Flight Family Communications që ishte identik me të tij, tha Alexander, sipas Bloomberg.

“‘FFC’ është një kopje,…”, citohet të ketë thënë Alexander në padi, raportoi Bloomberg.

Vlera e teknologjisë së aplikacionit, “bazuar vetëm në kursimet e kostove operacionale për Delta, në mënyrë konservatore tejkalon 1 miliard dollarë”, citoi Bloomberg të thoshte Aleksandër.

Dhe Keenan Nix, avokati i Aleksander, i tha Bloomberg të mërkurën se Delta “vodhi si një hajdut natën”.

Lidhur me këtë, së paku deri më tani, Delta nuk iu përgjigj menjëherë kërkesës së Business Insider rreth kësaj çështje.

Ndërkohë një zëdhënës i linjës ajrore i tha Bloomberg në një deklaratë: “Ndërsa ne i marrim seriozisht pretendimet e specifikuara në ankesën e z. Alexander, ato nuk janë një përshkrim i saktë ose i drejtë i zhvillimit të platformës së brendshme të mesazheve të ekuipazhit të Delta”. /Telegrafi/