Pesë skuadra të njohura pas talentit të Chelseat

Njëra nga skuadrat që ka bërë befasinë më të madhe në garat evropiane ishte padyshim gjiganti holandez Ajax.

Ajax arriti të shkojë në finalen e Ligës së Evropës për tu mposhtur pastaj nga Manchester United.

Ndër lojtarët më meritor për suksesin e Ajaxit ishte edhe talenti Bertrand Traore.

Traore u huazua nga Chelsea në Ajax për të fituar përvojë, ndërsa ai tani është bërë cak i shumë skuadrave të njohura.

21-vjeçari ka luajtur në 39 ndeshje në të gjitha garat me Ajaxin këtë edicion, duke shënuar 13 gola dhe duke dhuruar gjashtë asistime.

Dy gjigantët francez, Olympique Marseille dhe Olympique Lyon janë duke kërkuar shërbimet e tij.

Gjithsesi në garë për talentin afrikan mbeten edhe tri skuadrat e njohura gjermane, RB Leipzig, Schalke 04 dhe Borussia Dortmund.

Chelsea ka vendosur që ta huazojë edhe për një vit lojtarin që të fitojë edhe më shumë përvojë.

Mbetet të shihet se cila nga skuadrat e lartpërmendura do të arrijë të fitojë shërbimet e sulmuesit anësorë. /Telegrafi/