Portali boshnjak “Kronikaezezë” ka publikuar pamjet e incidentit që ka ndodhur sot rreth orës 11 në qendrën tregtare Xhananoviq në Zenicë të Bosnjës.
Në video shihet se si sigurimi i objektit - përkatësisht pesë prej tyre e nxjerrin me dhunë nga objekti një pensionist, transmeton Telegrafi.
“Dhuna në vend të ngjarjes, rrahin pensionistin. Me dhunë e nxjerrin nga objekti për ta lejuar 10 minuta më vonë të futet në bankën, në të cilën ishte nisur edhe më herët”, thuhet përbri videos.
Arsyet e nxjerrjes me dhunë nga objekti janë të panjohura, por ja që disa minuta më vonë e kanë lejuar të moshuarin të futet - duke i kërkuar madje falje. /Telegrafi/
