Banka Botërore në raportin e saj të fundit për ekonominë në Ballkanin Perëndimor, ka vënë në pah se Kosova në vitin 2018, do të ketë rritje ekonomike prej 4.2 për qind, kurse ndërmjet viteve 2019-2020 rritja ekonomike parashihet të arrijë në 4.5 për qind.
Ndërkohë, rritja për rajonin e Ballkanit Perëndimor në vitin 2018 parashihet të jetë 3.5 për qind. Sipas vlerësimeve të Bankës Botërore, Shqipëria, Bosnja dhe Hercegovina, Kosova, IRJ e Maqedonisë, Mali i Zi dhe Serbia rriten me ritëm mes 2.5 dhe 4 për qind.
Raporti i rregullt ekonomik për Ballkanin Perëndimor, rritjen ekonomike në Kosovë e konsideron të lartë, por të brishtë.
Sipas përfaqësuesve të Bankës Botërore, një nga problemet që ka cenuar perspektivën ekonomike është paqëndrueshmëria politike dhe rritjet e mëtejshme të benefiteve të pashënjestruara.
Marco Mantovanelli, menaxher i Bankës Botërore për Kosovën, në prezantimin e këtij raporti ka theksuar se rritja ekonomike në Kosovë po ruan një momentum pozitiv dhe politika fiskale mbetet në përputhje me rregullën fiskale.
Mantovanelli, duke i referuar këtij raporti, thekson se është thelbësore të përmirësohet alokimi i shpenzimeve për të investuar në kapitalin njerëzor dhe fizik, për një rritje më të shpejtë dhe të qëndrueshme.
“Kosova po tregon një absorbim më të mirë të investimeve të financuara nga institucionet financiare ndërkombëtare, si dhe performancë më të mirë të eksporteve, por perspektiva mund të cenohet nga paqëndrueshmëria politike, rritjet e mëtejshme të benefiteve të pashënjestruara dhe rënia globale e tregtisë dhe hyrjeve të kapitalit”, thotë ai.
Kjo rritje e prezantuar nga Banka Botërore për Kosovën, nga ekspertë të ekonomisë po konsiderohet e pamjaftueshme për t’i adresuar problemet që ka Kosova, siç është papunësia dhe varfëria.
Sipas të dhënave të Agjencisë së Statistikave të Kosovës, shkalla e papunësisë në Kosovë është 29.4 për qind.
Naim Gashi, ekspert i çështjeve ekonomike në një prononcim për Radion Evropa e Lirë, thotë se rritja ekonomike e parashikuar për këtë vit është e pamjaftueshme dhe pa ndikim në përmirësimin e mirëqenies së qytetarëve.
“Rritja ekonomike në Kosovë prej rreth 4 për qind, nuk është një rritje ekonomike e ulët, por është e pamjaftueshme për ekonominë e Kosovës, duke pasur parasysh se 30 mijë të rinj futen në tregun e punës çdo vit dhe me trendin aktual të rritjes ekonomike, ne nuk kemi mundësi të absorbojmë në tregun e punë gjithë këta punëkërkues në Kosovë”, vlerëson Gashi.
Ai shton se brishtësia që e përmend Banka Botërore në raportin e saj tregon se fondamentii rritjes ekonomike nuk duhet të fokusohet në investime publike, por në sektorin privat.
“Megjithatë, sektori privat ballafaqohet me vështirësi të mëdha edhe nga konkurrenca në treg, por edhe për shkak të rregullimit të tregut të brendshëm ku ende ekzistojnë disa monopole të favorizuara nga shteti që frenojnë zhvillimin e konkurrencës së drejtë dhe rritjen e të ardhurave për bizneset private”, thotë Gashi.
Linda Van Gelder, drejtoreshë Rajonale e Bankës Botërore për Ballkanin Perëndimor thekson se në mbarë rajonin po shihet rritje w mbështetur nga investimet dhe shpenzimet publike, e që, sipas saj, vendet që kanë treguar rritjen e investimeve të tyre private, kanë dëshmuar edhe një rritje më të shpejtë.
“Rritja e investimeve private dhe e eksporteve është mënyrë më e qëndrueshme e rritjes”, thotë ajo.
Ndryshe, raporti i Bankës Botërore bën thirrje edhe për integrim më të madh ekonomik për të nxitur një rritje më të lartë dhe të qëndrueshme dhe për të stimuluar krijimin e vendeve të punës.
Kërkohet rritje e integrimit mes vendeve të Ballkanit Perëndimor, duke u fokusuar në tregti, investime, lëvizshmëri dhe integrim digjital, për të përshpejtuar rritjen, për t’i kapërcyer tregjet kombëtare të vogla dhe të fragmentuara dhe për të siguruar stabilitet afatgjatë ekonomik. /Rel/Telegrafi/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Nagip Krasniqi shkarkohet nga pozita e kryeshefit të KEK-ut
Saktësi, efikasitet dhe rehati - Ultratingulli revolucionar SonoMax 9
Fermerët duhet të jenë të gatshëm për organizimin e tregut të përbashkët deri më 2030
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën