Projekti “Ti Barabarte Unë” që trajton temën e personave me nevoja të veçanta njëri ndër projektet më të suksesshme në Kosovë, nga viti në vit ka shënuar rezultate të mëdha me klipet të cilët janë realizuar në kuadër të këtij projekti ku kanë përfshirë me vete fytyra publike shumë të rëndësishme.
Këtë vit është përgatitur videoklipi me fytyra publike si: Atifete Jahjaga, Sellma Kasumoviq, Duda Balje, Vlora Çitaku dhe Majlinda Kelmendi të cilat do të jenë të shoqëruar me persona me nevoja të veçanta.
Klipi i cili do të përmbajë mesazhe sensibilizuese për ngritjen e vetëdijësimit të shoqërisë, në njërën anë do të pasqyrojë jetën reale të personave me nevoja të veçanta të cilët përballen çdo ditë me sfida të ndryshme ndërsa në anën tjetër edhe përkrahjen që do të kenë nga fytyra publike të lartcekura.
Shemsedin Sajhadi, organizatori dhe ideatori i projekti deklaroi që klipi i cili do të jetë nën tingujt e një kënge të Dafina Zeqirit, pritet te lansohet me datën 3 dhjetor në Ditën Ndërkombëtare të Personave me Nevoja të Ve¬çanta në faqen në Facebook: Projekti “Ti Barabarte Unë” në Instagram dhe YouTube.
Valltari i njohur si fytyrë i shumë klipeve të këngëtareve, theksoi se kanë kaluar çaste të këndshme dhe se ndihet shumë krenar që ka arritur projekti të njihet në nivel kombëtar duke korrur suksese të mëdha përveç të tjerash deklaroi se duke qenë një valltar në fillimet e projektit dhe me dëshirën për t’i ndihmuar në fushën e artit personat me nevoja të veçanta pas disa vitesh të rezulton projekti me këtë sukses nuk kishte menduar fare. /Telegrafi/
